Also Read: എല്ലാവരില് നിന്നും മറച്ചുവെച്ച കാര്യങ്ങൾ! ശരിക്കും എല്ലാം പറയേണ്ടത് ഇവരാണ്! അമ്മയ്ക്കും ഡിവൈനുമൊപ്പം ഡിംപിള് റോസ്! സംശയങ്ങള്ക്കുള്ള ഉത്തരമായി പുതിയ വീഡിയോ!
പ്രാര്ത്ഥനയുടെ വിശേഷങ്ങള്
പ്രാര്ത്ഥന ഇന്ദ്രജിത്ത് എന്ന പേരില് തന്നെയാണ് പ്രാര്ത്ഥന വീഡിയോ പോസ്റ്റ് ചെയ്തത്. തന്റെ പാട്ടിന്റെ വീഡിയോയും പ്രിയപ്പെട്ടവര്ക്കൊപ്പമുള്ള വിശേഷങ്ങളുമെല്ലാമാണ് പാത്തു വീഡിയോയിലൂടെ പങ്കിടാറുള്ളത്. അമ്മയുടെ സഹോദരിയായ പ്രിയ മോഹന്റെ വീട്ടില് നിന്നും വിശേഷങ്ങള് പങ്കിട്ട് പ്രാര്ത്ഥന എത്തിയിരുന്നു. ഒരു ഹാപ്പി ഫാമിലിക്കൊപ്പമുള്ള ഒരു ദിവസം എന്ന് പറഞ്ഞായിരുന്നു വീഡിയോ പോസ്റ്റ് ചെയ്തത്. ക്ഷണനേരം കൊണ്ടായിരുന്നു ഈ വീഡിയോ വൈറലായി മാറിയത്.
അമ്മയ്ക്കൊപ്പം
അമ്മയ്ക്കൊപ്പം വീഡിയോ ചെയ്തും പ്രാര്ത്ഥന എത്താറുണ്ട്. സൈമ അവാര്ഡ്സിനായി പോവുന്നതിനിടയിലെ തയ്യാറെടുപ്പുകളും ഹൈദരാബാദിലേക്കുള്ള യാത്രയും വേദിയിലെ നിമിഷങ്ങളുമെല്ലാം കൂട്ടിച്ചേര്ത്തായിരുന്നു പ്രാര്ത്ഥന വീഡിയോ പോസ്റ്റ് ചെയ്തത്. അടുത്തിടെ പങ്കിട്ട വീഡിയോ യൂട്യൂബ് ട്രെന്ഡിംഗില് ഇടം പിടിച്ചിട്ടുണ്ട്. മകള്ക്കായി സ്പെഷല് കോസ്റ്റിയൂം തയ്യാറാക്കുന്ന പൂര്ണിമയേയും സൈമ വേദി വരെയുള്ള കാര്യങ്ങളെല്ലാം ഇരുവരും ഒന്നിച്ച് ചെയ്യുന്നതും വീഡിയോയില് കാണിച്ചിരുന്നു.
വിമര്ശനങ്ങളും
പ്രാര്ത്ഥനയെ പിന്തുണച്ചുള്ള കമന്റുകള് മാത്രമല്ല വിമര്ശനങ്ങളും വീഡിയോയ്ക്ക് താഴെയുണ്ടായിരുന്നു. വിമര്ശനങ്ങള്ക്കുള്ള മറുപടിയുമായി ആരാധകര് എത്തിയിരുന്നു. മലയാളികള്ക്ക് ഇപ്പോഴും ഒരു പുരോഗമനവും ഇല്ലല്ലോ, ഒരു പെണ്കുട്ടി ഷോര്ട് ഡ്രസ് ഇട്ടാല് ചോദിക്കും ഡ്രസ് അലര്ജി ആണോന്ന്, ഇംഗ്ലീഷ് സംസാരിച്ചാല് കമന്റ് ചെയ്യും. ജോസഫേ, കുട്ടിക്ക് മലയാളം അറിയില്ല എന്ന് കമന്റ് ചെയ്യുന്ന എത്ര പേര്ക്ക് ഇതേ പോലെ ഫ്ളുവന്റായി ഇംഗ്ലീഷ് സംസാരിക്കാന് പറ്റുമെന്നായിരുന്നു ഒരാള് ചോദിച്ചത്. അത് അവളുടെ സ്വാതന്ത്ര്യമാണ്, അതെന്താണ് എല്ലാവരും മനസ്സിലാക്കാത്തതെന്നായിരുന്നു ഒരാളുടെ ചോദ്യം.
മറുപടി
കാശുള്ള മക്കള് ഓരോന്ന് കാണിക്കുന്നു, കാണുമ്പോള് ശരിക്കും അസൂയ വരുന്നു എന്നായിരുന്നു ഒരാളുടെ കമന്റ്. അവരുടെ പേരന്സ് അധ്വാനിച്ചതല്ലേയെന്നായിരുന്നു കമന്റിന് താഴെ വന്ന മറുപടി. അതെ, കൂലിപ്പണിക്കാരായ എന്റെ മാതാപിതാക്കള് എത്ര അധ്വാനിച്ചാലും ഇങ്ങനെ ഒന്നും എത്തില്ല, അതിന്റെ ഒരു വിഷമം പറഞ്ഞതാണ്, ശരിക്കും അസൂയ വന്നു, അല്ലാതെ അവരെ കുറ്റം പറഞ്ഞതല്ലെന്നായിരുന്നു കമന്റ് ചെയ്തയാളുടെ വിശദീകരണം.
നച്ചുവിനേയും
പ്രാര്ത്ഥനയും പൂര്ണിമയുമായിരുന്നു സൈമ അവാര്ഡിനായി പോയത്. നക്ഷത്രയെന്ന നച്ചുവിനേയും കൂടെക്കൂട്ടാമായിരുന്നു, ഞങ്ങള് നച്ചുവിന്റെ ഫാന്സാണ്, ഇനിയുള്ള വീഡിയോയില് നച്ചുവിനേയും കൂടെക്കൂട്ടണം. നിങ്ങള് രണ്ടാളും ഒന്നിച്ച് വരുന്നതാണ് ഞങ്ങളുടെ ഇഷ്ടം, നച്ചുവിനെ കാണുമ്പോള് ജ്യോതികയുടെ ഫേസ് കട്ട് ഓര്മ്മ വരും തുടങ്ങിയ കമന്റുകളും വീഡിയോയ്ക്ക് താഴെയുണ്ട്.