രണ്ടാമൂഴം സിനിമയിൽ നിന്ന് എം ടി പിൻമാറുന്നു

കോഴിക്കോട്: ബ്രഹ്മാണ്ഡ ചിത്രം രണ്ടാമൂഴത്തിൽ നിന്നും എം.ടി വാസുദേവന്‍ നായര്‍ പിൻമാറുന്നു. തിരക്കഥ തിരികെ ലഭിക്കണമെന്ന് ആവശ്യപ്പെട്ട് കോഴിക്കോട് മുന്‍സിഫ് കോടതിയില്‍ അദ്ദേഹം ഹര്‍ജി നല്‍കി. തിരക്കഥ തിരിച്ചുകിട്ടണമെന്നാവശ്യപ്പെട്ട് എം ടി വാസുദേവൻനായർ കോടതിയെ സമീപ്പിച്ചു.

''ചിത്രീകരണം അനന്തമായി നീളുന്ന സഹചര്യത്തിലാണ് പിൻമാറ്റമെന്ന് എം ടി വ്യക്തമാക്കി. വര്‍ഷങ്ങളുടെ ഗവേഷണം നടത്തിയാണ് തിരക്കഥ പൂര്‍ത്തിയാക്കിയത്. എന്നാല്‍ ഈ ആത്മാര്‍ഥത ചിത്രത്തിന്‍റെ അണ‌ിയറക്കാര്‍ കാണിച്ചില്ല". തിരക്കഥ കൈമാറുമ്പോൾ മുന്‍കൂറായി വാങ്ങിയ പണം തിരികെ നല്‍കുമെന്നും എം.ടി ഹര്‍‌ജിയില്‍ പറയുന്നു

വി.എ. ശ്രീകുമാര്‍ മേനോൻ്റെ സംവിധാനത്തിൽ ഒരുങ്ങുന്ന ചിത്രത്തിൻ്റെ നിര്‍മാതാവ് ബി.ആര്‍ ഷെട്ടിയാണ്. ഇന്ത്യന്‍ സിനിമയില്‍ ചരിത്രം കുറിച്ച്‌ ആയിരം കോടി രൂപ ചെലവിലാണ് ചിത്രം ഒരുങ്ങുന്നത്.

എം.ടിയുടെ പ്രശസ്തമായ നോവലാണ് രണ്ടാമൂഴം. മഹാഭാരത കഥ ആസ്പദമാക്കി രചിച്ച നോവലില്‍ ഭീമനാണ് കേന്ദ്രകഥാപാത്രം.