സിനിമ പോലെ മനോഹരം സഹീർ - സാഗരിക പ്രണയ കാവ്യം

ക്രിക്കറ്റ് ലോകത്തെ മറ്റൊരു പ്രണയം കൂടി വിവാഹത്തിലെത്തുകയാണ്. സിനിമാക്കഥ പോലെ സുന്ദരമായ പ്രണയ കാവ്യത്തിനൊടുവിൽ നവംബർ 27നാണ് ഇന്ത്യൻ ഫാസ്റ്റ് ബൗളർ സഹീ‍ർ ഖാനും ബോളിവു‍ഡ് നടി സാഗരിഗ ഗഡ‍്‍ഗെയും തമ്മിൽ വിവാഹിതരാവുന്നത്.



പ്രത്യേക ചടങ്ങുകളൊന്നുമില്ലാതെ സ്പെഷ്യൽ മാര്യേജ് ആക്ട് പ്രകാരം വിവാഹം രജിസ്റ്റ‍ർ ചെയ്യാനാണ് ഇരുവരുടെയും പദ്ധതി. സുഹൃത്തുക്കളും ബന്ധുക്കളും ചേ‍ർന്ന് വിവാഹത്തിന് ശേഷം ആഘോഷിക്കും. മതാചാര പ്രകാരമുള്ള ചടങ്ങുകളൊന്നും വിവാഹത്തിന് ഉണ്ടാവില്ല.

ഇരുമതത്തിൽപ്പെ‌ട്ടവരായത് വിവാഹം ചെയ്യാനുള്ള തീരുമാനത്തെ ഒരു രീതിയിലും ബാധിച്ചിട്ടില്ലെന്ന് സഹ‍ീ‍ർ ഖാൻ പറയുന്നു. ക്രിക്കറ്റ് താരം യുവരാജ് സിങിൻെറ വിവാഹത്തിന് ഒന്നിച്ചെത്തിയതോടെയാണ് ഇരുവരും തമ്മിലുള്ള പ്രണയത്തെ കുറിച്ച് വാ‍ർത്തകൾ പുറത്ത് വന്നത്.



സുഹൃത്തുക്കൾ വഴി പരിചയപ്പെട്ട ഇവ‍ർ തമ്മിൽ ആദ്യം നല്ല സൗഹൃദമാണ് ഉണ്ടായിരുന്നത്. എന്നാൽ പതിയെ പതിയെ അത് പ്രണയത്തിലേക്ക് വഴിമാറി. സഹീ‍ർ തന്നെയാണ് ആദ്യം പ്രണയം തുറന്ന് പറഞ്ഞത്. സാഗരികയ്ക്ക് തന്നെ ഇഷ്ടപ്പെടില്ലെന്ന ഭയമുണ്ടായിരുന്നുവെന്ന് സഹീ‍ർ പറയുന്നു. പക്ഷേ താരത്തിൻെറ ലാളിത്യവും മാന്യമായ പെരുമാറ്റവുമൊക്കെ സാഗരികയുടെ ഹൃദയം എന്നേ കീഴടക്കിയിരുന്നു.

Zaheer Khan and Sagarika Ghatge to get married on November 27

Indian cricketer Zaheer Khan and Bollywood actress Sagarika Ghatge to tie knot on 27th November.