നിന്‍റെ ഹീറോ നീ തന്നെ! പുതുവർ‍ഷത്തിലേക്ക് ചിറകടിച്ചുയരാൻ നീരജ് മാധവിന്‍റെ 'ഫ്ലൈ'

നിരവധി സിനിമകളിൽ നടനായും കോറിയോഗ്രാഫറായുമൊക്കെ തിളങ്ങിയ താരമാണ് നീരജ് മാധവ്. അടുത്തിടെ ബോളിവുഡിൽ ഫാമിലിമാൻ എന്ന വെബ് സീരിസിലും നീരജ് അഭിനയിക്കുകയുണ്ടായി. ഏതാനും നാളുകൾക്ക് മുമ്പാണ് താനൊരു റാപ്പര്‍ കൂടിയാണെന്ന് നീരജ് തെളിയിച്ചത്.

Also Read: 'അങ്കമാലി ഡയറീസി'ന് ശേഷം ചെമ്പന്‍റെ കഥ; 'ഭീമന്‍റെ വഴി'യുമായി കുഞ്ചാക്കോ ബോബൻ

ജംഗിള്‍ സ്പീക്ക്സ് റാപ്പുകളിലൂടെയാണ് എൻജെ എന്ന പേരിൽ നീരജ് റാപ്പുകള്‍ ഇറക്കി തുടങ്ങിയത്. പിന്നീട് പണിപാള എന്ന റാപ്പ് വന്നതോടെയാണ് അടിപൊളി റാപ്പറാണ് താനെന്ന് നീരജ് ആളുകളെക്കൊണ്ട് പറയിച്ചത്. ശേഷം അക്കരപ്പച്ചയും വിഷ്, ഹോപ്പ് റാപ്പുകളുമിറങ്ങി.

Also Read: 'സംഗീത് ചേട്ടൻ സുഖപ്പെടുന്നു, വെൻ്റിലേറ്ററിൽ നിന്ന് മാറ്റി, പ്രാർത്ഥനകൾക്ക് നന്ദി'യറിയിച്ച് സഹോദരൻ സന്തോഷ് ശിവൻ!

ഇപ്പോഴിതാ പുതുവര്‍ഷത്തിന് മുന്നോടിയായി ഫ്ലൈ എന്ന റാപ്പുമായി എത്തിയിരിക്കുകയാണ് നീരജ്. പറക്കട്ടെ ഞാനിനി ചിരിക്കട്ടെ ഞാനിനി എന്ന് തുടങ്ങുന്ന റാപ്പിൽ ലോകം മൊത്തം ഡാര്‍ക്ക് സീനാണെങ്കിലും കൊവിഡ് കാലത്ത് നിരവധി പ്രശ്നങ്ങളുണ്ടെങ്കിലും മനസുലയാതെ തളരാതെ ഉള്ളിൽ കനവുമായി നാളേക്ക് പറന്നുയരാം എന്ന പുതുവര്‍ഷ ചിന്തയാണ് നൽകിയിരിക്കുന്നത്. നിമിഷ നേരം കൊണ്ട് റാപ്പ് സോങ് യൂട്യൂബിൽ വൈറലായിരിക്കുകയാണ്.