അതീവ ഗ്ലാമറസായി അമേയ; 'വാനിൽ' സംഗീത ആൽബം പുറത്തിറങ്ങി

നടിയും മോഡലുമായ അമേയ മാത്യുവും സാഗറും ഒന്നിച്ചഭിനയിച്ച 'വാനിൽ' എന്ന സംഗീത ആൽബം പുറത്തിറങ്ങി. അതീവ ഗ്ലാമറസായാണ് അമേയ മാത്യു ആൽബത്തിലുള്ളത്. 'കരിക്ക്' വെബ് സീരീസിലൂടെ ശ്രദ്ധേയയായ ശേഷം നടി അമേയ മാത്യു അഭിനയിച്ചിരിക്കുന്ന സംഗീത ആൽബമാണ് 'വാനിൽ'.

Also Read: കരിക്ക് ടീമിൻ്റെ 'ഉൽക്ക'യ്ക്ക് കൈയ്യടിച്ച് അജു വർഗ്ഗീസ്

അവനീർ ടെക്നോളജിയുടെ ബാനറിൽ ഇർഷാദ് എം ഹസ്സൻ നിർമ്മിച്ചിരിക്കുന്ന ആൽബം സംവിധാനം ചെയ്തിരിക്കുന്നത് ഇംതിയാസ് അബൂബക്കറാണ്. പ്രണയത്തിന് പ്രാധാന്യം നൽകിയിരിക്കുന്ന ആൽബത്തിന്‍റെ വരികള്‍ ഒരുക്കിയിരിക്കുന്നത് ശ്യാം നെട്ടായിക്കോടത്തും, സംഗീതം നൽകിയിരിക്കുന്നത് പ്രകാശ് അലക്സുമാണ്. ഷണ്മുഖൻ എസ്.വി.യാണ് ഛായാഗ്രഹണം.

ലാൽ കൃഷ്ണ, രുഷെയ്ൽ റോയി എന്നിവര്‍ ചേര്‍ന്നാണ് ഗാനം ആലപിച്ചിരിക്കുന്നത്. ജോബി എം ജോസാണ് ചിത്രസംയോജനം. ആമയാർ, വണ്ടന്മേട് എന്നിവിടങ്ങളിൽ വച്ചാണ് 'വാനിൽ' ചിത്രീകരണം നടന്നത്. ആൽബത്തിന്‍റെ ക്ലൈമാക്സ് ഏറെ മികച്ചതെന്ന് പലരും അഭിപ്രായപ്പെട്ടിട്ടുണ്ട്.

Also Read: ബ്ലോക്ക് ബസ്റ്റർ ഹിറ്റ് ചിത്രം ചാർലിയുടെ തമിഴ് റീമേക്ക് 'മാര' ഡിസംബറിൽ ആമസോൺ പ്രൈം വീഡിയോയിൽ

അവനീർ ടെക്നോളജിയുടെ യൂട്യൂബ് ചാനലിലാണ് ആൽബം റിലീസായിരിക്കുന്നത്. കരിക്കിന് പുറമെ ഒരു പഴയ ബോംബ് കഥ, തിമിരം, ആട് ഒരു ഭീകരജീവിയാണ് തുടങ്ങിയ ചിത്രങ്ങളിലും അമേയ അഭിനയിച്ചിട്ടുണ്ട്. ഇൻസ്റ്റയിൽ സജീവമായ താരം ഇടയ്ക്കിടെ പങ്കുവയ്ക്കാറുള്ള ഗ്ലാമ‍ർ ഫോട്ടോഷൂട്ടുകളിലൂടെ സോഷ്യൽമീഡിയയിലെ മിന്നും താരമാണ്.

Also Watch :