'ചേക്കേലടിക്കുന്നുണ്ടേ....' നാടൻ ഈരടികൾക്ക് പുതിയ ഭാവം പകർന്ന് അഭിരാമി സുരേഷ്!

ഗായികയും നടിയുമായ അഭിരാമി സുരേഷ് കുട്ടിക്കാലം മുതൽക്കേ മിനിസ്ക്രീൻ പ്രേക്ഷകരുടെ ശ്രദ്ധ നേടിയ താരമാണ്. ചേച്ചി അമൃത സുരേഷ് സംഗീത റിയാലിറ്റി ഷോയിലെ മിന്നുന്ന മത്സരാർത്ഥിയായിരുന്നപ്പോൾ ജഡ്ജായിരുന്ന മ്യൂസിക് ഡയറക്ടർ ശരത്തിനെ അനുകരിച്ചാണ് അഭിരാമി ശ്രദ്ധേയയാകുന്നത്. തുടർന്ന് മോഡലിങ്ങിലേക്ക് തിരിഞ്ഞ അഭിരാമി സിനി - സീരിയൽ രംഗത്തും തിളങ്ങി.

അതിനും ശേഷമാണ് ചേച്ചി അമൂത സുരേഷിൻ്റെ ഇനിഷ്യേറ്റീവിൽ ആരംഭിച്ച അമൃതം ഗമയ എന്ന ബാൻ്റിലൂടെ തൻ്റെ ആലാപന പാടവവും അഭിരാമി തെളിയിച്ചു. അവതാരകയായും ഗായികയായും സ്റ്റേജ് പെർഫോമറായും അഭിനേത്രിയായും അതിലുമുപരി വ്ലോഗറായും ഒക്കെ തിളങ്ങി നിന്നപ്പോഴാണ് അഭിരാമിയും അമൃതയും ചേർന്ന് ബിഗ്ബോസ് മലയാളം സീസൺ 2ൽ മത്സരാർത്ഥികളായി പ്രത്യക്ഷപ്പെട്ടത്.