'മൈ സാന്‍റാ'യിലെ 'ഓ ബുൾ ബുൾ ബുലെമ്മ' ഗാനം ടീസർ

സുഗീതിന്‍റെ സംവിധാനത്തില്‍ ദിലീപ് നായകനാകുന്ന 'മൈ സാന്‍റാ' ഡിസംബര്‍ 25ന് ക്രിസ്മസ് റിലീസായി തിയറ്ററുകളില്‍ എത്താനായി ഒരുങ്ങുകയാണ്. ചിത്രത്തില്‍ സാന്താക്ലോസിന്‍റെ വേഷത്തിലാണ് ദിലീപ് എത്തുന്നത്. ഓ ബുൾ ബുൾ ബുലെമ്മ എന്ന സോങ്ങ് പ്രൊമോ പുറത്തിറങ്ങിയിരിക്കുകയാണിപ്പോള്‍.

Also Read: ബിക്കിനിയിട്ടത് സെന്‍സേഷണലാകാനല്ല; വെെറല്‍ ഫോട്ടോയെക്കുറിച്ച് ദീപ്തി സതി

സണ്ണി വെയ്‌നും ചിത്രത്തിൽ പ്രധാന വേഷത്തിലുണ്ട്. അനുശ്രീയാണ് സിനിമയിലെ നായിക. എസ്‌എല്‍ പുരം ജയസൂര്യ സംവിധാനം ചെയ്ത ജാക്ക് ഡാനിയേല്‍ എന്ന ചിത്രമാണ് ദിലീന്‍റേതായി ഒടുവില്‍ തീയേറ്ററുകളിൽ എത്തിയിരുന്നത്. അതിനുശേഷമെത്തുന്ന ചിത്രമാണിത്.

സണ്ണി വെയ്ന്‍, ഷൈന്‍ ടോം ചാക്കോ, സായ് കുമാര്‍, സിദ്ധിഖ്, കലാഭവന്‍ ഷാജോണ്‍, സുരേഷ് കൃഷ്ണ, സാദ്ദിഖ്, ഇര്‍ഷാദ്, ഇന്ദ്രന്‍സ്, ധര്‍മ്മജന്‍ ബോള്‍ഗാട്ടി, ശശാങ്കന്‍, ധീരജ് രത്നം, അനുശ്രീ, മഞ്ജു പത്രോസ്, ബേബി മാനസ്വി, ബേബി ദേവനന്ദ തുടങ്ങി നിരവധി താരങ്ങളാണ് സിനിമയിൽ അണിനിരക്കുന്നത്.

Also Read: റോമ ഇനി 'ഒരു എച്ച് കൂടുതലുള്ള' റോമയാണ്; മാറ്റത്തിന് പിന്നിലൊരു കാരണമുണ്ട്

മലയാളത്തിൽ ഇടക്ക് മാത്രം ഇറങ്ങുന്ന ഫാന്‍റസി ജോണറിലാണ് ദിലീപിന്‍റെ ക്രിസ്മസ് ചിത്രമായ മൈ സാന്‍റാ ഇറങ്ങുന്നത് എന്ന പ്രത്യേകതയുമുണ്ട്. സാന്താക്ലോസും ഏഴുവയസുകാരിയായ ഒരു കുട്ടിയും തമ്മിലുള്ള ബന്ധമാണ് ഫാന്‍റസി ചിത്രമായൊരുങ്ങുന്ന മൈ സാന്‍റയിൽ പറയുന്നതെന്നാണ് ഇതിനകം പുറത്തിറങ്ങിയ ട്രെയിലറും പോസ്റ്ററുകളും പാട്ടുകളും തരുന്ന സൂചന.

Also Watch: