മഞ്ഞോ കാറ്റോ മഴയോ നീ...'ബാക്ക് പാക്കേഴ്സി'ലെ 'ജനലിലാരോ' ഗാനം

കാളിദാസ് ജയറാം നായകനാകുന്ന പുതിയ ചിത്രം ‘ബാക്ക് പാക്കേഴ്‌സ്’ ലെ ആദ്യ ഗാനം പുറത്തിറങ്ങി. ”ജനലിലാരോ” എന്ന ഗാനമാണ് ഇപ്പോള്‍ റിലീസ് ചെയ്തിരിക്കുന്നത്. സംവിധായകൻ ജയരാജ് ഒരുക്കുന്ന ചിത്രമാണ് ബാക്ക് പാക്കേഴ്സ്. ജയരാജ് തന്നെയാണ് ഗാനത്തിന് വരികള്‍ ഒരുക്കിയിരിക്കുന്നത്. സച്ചിന്‍ ശങ്കര്‍ മന്നത്ത് ആണ് സംഗീതം. സൂരജ് സന്തോഷ്, അഖില ആനന്ദ് എന്നിവരാണ് ഗാനം ആലപിച്ചിരിക്കുന്നത്.

Also Read: പൂർണിമയുമായുള്ള ഓർമ്മച്ചിത്രം പങ്കിട്ട് ഗീതു മോഹൻദാസ്, അന്ന് മുതൽ ബെസ്റ്റ് ഫ്രണ്ട്സാണെന്ന് നടി!

സിനിമയുടേതായി പുറത്തിറങ്ങിയ ടീസര്‍ മുമ്പ് ശ്രദ്ധ നേടിയിട്ടുള്ളതാണ്. തന്‍റെ കരിയറിലെ തന്നെ ഏറെ വെല്ലുവിളി ഉയര്‍ത്തുന്ന വേഷമാണ് കാളിദാസിന് ഈ സിനിമയിൽ ലഭിച്ചിട്ടുള്ളത്. മഹാരോഗം മൂലം മരണം കാത്തു കിടക്കുന്ന രണ്ടുപേർ തമ്മിലുള്ള പ്രണയമാണ് സിനിമയുടെ ഇതിവൃത്തം. ജയരാജ് തന്നെയാണ് സിനിമയ്ക്ക് കഥയൊരുക്കിയിരിക്കുന്നത്.

Also Read: ഇനി നിർമ്മാണത്തിലേക്ക്; കാമ്പുള്ള കഥകൾ മലയാളത്തിന് സമ്മാനിക്കണമെന്ന് മംമ്ത

കാര്‍ത്തിക നായരാണ് ചിത്രത്തിൽ നായികയായി അഭിനയിക്കുന്നത്. അഭിനന്ദന്‍ രാമാനുജം ആണ് ഛായാഗ്രഹണം നിർവ്വഹിച്ചിരിക്കുന്നത്. രൺജി പണിക്കര്‍, ശിവ്ജിത്ത് പദ്മനാഭന്‍, ഉല്ലാസ് പന്തളം, ജയകുമാര്‍, സബിത ജയരാജ് തുടങ്ങിയവരും ചിത്രത്തിൽ അഭിനയിക്കുന്നുണ്ട്. ഡോ സുരേഷ്‌കുമാര്‍ മുട്ടത്ത്, അഡ്വ. കെ ബാലചന്ദ്രന്‍ നിലമ്പൂര്‍ എന്നിവര്‍ ചേര്‍ന്നാണ് സിനിമ നിര്‍മ്മിക്കുന്നത്. പാവൈ കഥൈകള്‍, ഒരു പക്കാ കഥൈ, ജാക്ക് ആന്‍ഡ് ജില്‍ തുടങ്ങി നിരവധി സിനിമകളാണ് കാളിദാസിന്‍റേതായി അണിയറയിൽ ഒരുങ്ങുന്നത്.

Also Watch :