'കരുതലിൻ കരുത്തുമായി...'; സോഷ്യൽ മീഡിയ ഏറ്റെടുത്ത് ജാസി ഗിഫ്റ്റിൻ്റെ ഗാനം!

കൊവിഡ് 19 വൈറസ് ഭീതിയുടെ പശ്ചാത്തലത്തിൽ രാജ്യത്ത് ലോക്ക് ഡൌൺ വീണ്ടും നീട്ടിയിരിക്കുകയാണ്. കേരളം അതിജീവനത്തിൻ്റെ പാതയിലാണിപ്പോൾ. കേരള ജനതയെല്ലാം കൊവിഡ് 19 വ്യാപനം ചെറുക്കുന്നതിനുള്ള പ്രവർത്തനങ്ങളിൽ വ്യാപൃതരാണ്. തിരുവനന്തപുരം നഗരസഭയിലെ ആരോഗ്യ വിഭാഗവും ഇതിനായി രാപകലുള്ള അധ്വാനത്തിലുമാണ്. ആരോഗ്യ പ്രവർത്തകർക്ക് ആദരമർപ്പിച്ച് ഒരു ഗാനം പുറത്തിറക്കിയിരിക്കുകയാണ്. ഈ ഗാനം സൈബറിടത്തിൽ ശ്രദ്ധേയമായിരിക്കുകയാണ്.

Also Read: പണ്ടേ ഞാനൊരു കേക്ക് കൊതിച്ചിയാണ്; മുടി പിന്നിയിടാന്‍ ഇഷ്ടപ്പെട്ട താരറാണി

ജോയ് തമലത്തിൻ്റെ വരികൾക്ക് ജാസി ഗിഫ്റ്റാണ് ഈണമിട്ട് ആലപിച്ചത്. 'കരുതലിൻ കരുത്തുമായി, വിപത്തിനെ ചെറുക്കുവാൻ വരുന്നിതാ ജനസേനയായ്..' എന്നു തുടങ്ങുന്ന ഗാനം തരംഗമാകുകയാണ്. വീഡിയോ സംവിധാനം ചെയ്തിരിക്കുന്നത് അരുൺ പണ്ടാരിയാണ്. തോമസ് വർഗീസും ജയകൃഷ്ണനുമാണ് വീഡിയോയ്ക്ക് ക്യാമറ ചലിപ്പിച്ചിരിക്കുന്നത്. ബിജു നായരാണ് എഡിറ്റിങ് നിർവ്വഹിച്ചിരിക്കുന്നത്.

Also Read: വിഷു സ്പെഷ്യലായി ഫസ്റ്റ് ലുക്ക് പോസ്റ്റര്‍ പുറത്ത് വിട്ട് 'മരട് 357'ന്‍റെ അണിയറപ്രവർത്തകർ!

തിരുവനന്തപുരം നഗരസഭ കൊവിഡ് 19 പശ്ചാത്തലത്തിൽ നഗരം അണുവിമുക്തമാക്കാന്‍ സ്വീകരിച്ച നടപടികൾക്ക് വലിയ കൈയ്യടിയാണ് ലഭിക്കുന്നത്. നഗരസഭാ പരിധിയില്‍ ശുചീകരണ പ്രവർത്തനങ്ങള്‍ നടത്തുന്നത് ആരോഗ്യവിഭാഗത്തിന്‍റെ നേതൃത്വത്തിലാണ്. നഗരത്തിന്റെ ഓരോ ഇടങ്ങളും ശുചീകരിക്കുന്നത് അണുനാശിനി ചേർത്ത വെള്ളം പമ്പുചെയ്തു കൊണ്ടാണ്.

വീഡിയോ കാണാം