'വാതുക്കല് വെള്ളരിപ്രാവി'ന് ചുവടുവെച്ച് കുട്ടി തെന്നൽ; വൈറലായി ഡാൻസ് കവർ

അടുത്തിടെ യൂട്യൂബിൽ ശ്രദ്ധ നേടിയ മനോഹരമായ ഗാനമാണ് 'വാതുക്കല് വെള്ളരിപ്രാവ്, വാക്ക് കൊണ്ട് മുട്ടണ കേട്ട്' എന്ന ഗാനം. മലയാള സിനിമാ ലോകത്തെ ആദ്യത്തെ ഒടിടി റിലീസായ 'സൂഫിയും സുജാതയും' എന്ന സിനിമയിലെ ഈ ഗാനം ഒരു കോടിയിലേറെ ആസ്വാദക മനസ്സുകള്‍ കീഴടക്കിയ വിശേഷം ഗാനത്തിന് സംഗീതം ഒരുക്കിയ എം.ജയചന്ദ്രൻ അടുത്തിടെ പങ്കുവെച്ചിരുന്നു.

Also Read: നാടന്‍ പ്രേമത്തിന്റെ സൗന്ദര്യവുമായി 'പെയ്യും നിലാവ്'; മണിയറയിലെ അശോകനിലെ പുതിയ ഗാനം

വാതിക്കല് വെള്ളരിപ്രാവ്...വാക്ക് കൊണ്ട് മുട്ടണ് കേട്ട്...ദുനിയാവിൻ ഉള്ളില് വന്ന് നീയാം കടല്...എന്ന് തുടങ്ങുന്ന ഗാനം എഴുതിയത് ബി.കെ ഹരിനാരായണനും ഷാഫി കൊല്ലവും ചേര്‍ന്നാണ്. നിത്യ മാമ്മൻ, സിയ ഉൾ ഹഖ്, അര്‍ജുൻ കൃഷ്ണ എന്നിവർ ചേര്‍ന്നാണ് ഗാനം ആലപിച്ചിരിക്കുന്നത്. ഗാനത്തിന്‍റെ നിരവധി കവര്‍ വേര്‍ഷനുകള്‍ ഇതിനകം ഇറങ്ങിയിട്ടുണ്ട്.

ഇപ്പോഴിതാ ടിക്‌ ടോക്‌ വീഡിയോകളിലൂടെ ശ്രദ്ധേയയായ കൊച്ചു മിടുക്കി കുട്ടി തെന്നൽ (തെന്നൽ അഭിലാഷ്) ഈ ഗാനത്തിന്‍റെ ഡാൻസ് കവറുമായി എത്തിയിരിക്കുകയാണ്. ഒരു സൂഫിയുടേയും അയാളെ പ്രേമിച്ചൊരു ഹിന്ദു പെണ്ണിന്‍റേയും ജീവിതകഥ പറയുന്ന ചിത്രമായ സൂഫിയും സുജാതയും സിനിമയിൽ സുജാതയുടെ മനോഹരമായ നൃത്തചുവടുകളും ഭാവാഭിനയവും മിന്നിമറയുന്നുണ്ട് ഈ ഗാനരംഗത്തിൽ. അതേ ഭാവങ്ങളൊക്കെ അഭിനയിച്ചുകൊണ്ടാണ് കുട്ടി തെന്നലിന്‍റെ ഡാൻസ് വീഡിയോ.

Also Read: ഈ വര്‍ഷം കിട്ടിയ അമൂല്യ സമ്മാനത്തെ കുറിച്ച് വിനീത് ശ്രീനിവാസൻ

ഫോട്ടോഗ്രാഫറായ എ.കെ കിഷോറാണ് വീഡിയോയ്ക്ക് ക്യാമറയും എഡിറ്റിംഗും നിര്‍വ്വഹിച്ചിട്ടുള്ളത്. അടുത്തിടെ ഫോറൻസിക് എന്ന സിനിമയിലും തെന്നൽ അഭിനയിച്ചിരുന്നു. അടുത്തതായി മഞ്ജു വാര്യര്‍ നായികയാകുന്ന ലളിതം സുന്ദരം എന്ന സിനിമയിലാണ് തെന്നൽ അഭിനയിച്ചിട്ടുള്ളത്.

Also Watch :