രാധികയുടെ മകൾ ദേവിക
തനിക്ക് സംഗീതത്തിലുള്ള പരിജ്ഞാനക്കുറവുകൊണ്ടാണ് ഇത്തരമൊരു വീഡിയോ ചെയ്യാൻ ഏറെ മടിച്ചിരുന്നതെന്നും ഗായികയും ബന്ധു കൂടിയുമായ ശ്വേത മോഹൻ നൽകിയ പിന്തുണയിന്മേലാണ് ഈ കൊവിഡ് കാലത്ത് ഇത്തരത്തിൽ ഗാനങ്ങള്‍ കോര്‍ത്തിണക്കി ഒരു വീഡിയോ അവതരിപ്പിച്ചിരിക്കുന്നതെന്ന് ദേവിക ഫേസ്ബുക്കിൽ കുറിച്ചിരിക്കുകയാണ്.
അമ്മയ്ക്ക് വേണ്ടി
ഞാനിത് ചെയ്തില്ലെങ്കിൽ വേറെയാരാണ് ചെയ്യുകയെന്നും ഇത് തന്‍റെ അമ്മയ്ക്ക് വേണ്ടിയാണെന്നും ദേവിക കുറിച്ചിട്ടുണ്ട്. ഗായിക ശ്വേത മോഹനാണ് ഈ വീഡിയോയുടെ മ്യൂസിക് പ്രൊഡക്ഷൻ നിര്‍വ്വഹിച്ചിരിക്കുന്നത്. ശ്വേതയുടെ യൂട്യൂബ് ചാനലിലൂടെയാണ് ഗാനം പുറത്തിറക്കിയിരിക്കുന്നത്.
Also Read: ഗർഭിണിയായ ഭാര്യ ഗുജറാത്തിൽ; കൊവിഡ് കാലത്തെ കണ്ണു നിറച്ച യാത്രയെ കുറിച്ച് ജുബിൽ രാജൻ പി ദേവ്
ഒപ്പം ശ്വേതയും
എല്ലാവർക്കും അറിയാമല്ലോ, രാധിക ചേച്ചി എന്‍റെ അമ്മായിയാണ്. അമ്മയ്ക്ക് ആദരവ് അർപ്പിച്ചുകൊണ്ട് ഒരു വീഡിയോ ഒരുക്കണമെന്ന ആശയവുമായി ദേവിക എത്തിയപ്പോൾ സന്തോഷമായിയെന്നും സഹോദരിയായ ദേവികയോടൊപ്പം ഈ വീഡിയോയിൽ പ്രവര്‍ത്തിക്കാനായതിൽ ഏറെ സന്തോഷവതിയാണെന്നും ശ്വേത ഫേസ്ബുക്ക് കുറിപ്പിൽ പറഞ്ഞിട്ടുണ്ട്, ശ്വേത ഈ ഗാനത്തിനായി പിയാനോ വായിച്ചിട്ടുമുണ്ട്.
രാധിക മരിച്ചിട്ട് അഞ്ചാം വർഷമാണിത്
അഞ്ചുവർഷം മുൻപ്, സെപ്റ്റംബർ 20ന് തന്‍റെ 45-ാം വയസ്സിലായിരുന്നു രാധിക തിലകിന്‍റെ മരണം. അരുണകിരണ ദീപം, ദേവസംഗീതം, മായാമഞ്ചലിൽ, കൈതപ്പൂമണം, തിരുവാതിര തിരനോക്കിയ, നിന്‍റെ കണ്ണിൽ, എന്‍റെ ഉള്ളുടുക്കും കൊട്ടി, തകില് പുകില്, മനസ്സിൽ മിഥുന മഴ, മഞ്ഞക്കിളിയുടെ മൂളിപ്പാട്ട് തുടങ്ങി എഴുപതിലേറെ സിനിമാ ഗാനങ്ങളും ഇരുന്നൂറിലേറെ ലളിതഗാനങ്ങളും രാധികയുടേതായുണ്ട്. അര്‍ബുദബാധയെ തുടര്‍ന്ന് രണ്ട് വര്‍ഷത്തിലേറെ ചികിത്സയിൽ കഴിഞ്ഞ ശേഷമായിരുന്നു രാധികയുടെ മരണം.
Also Read: പവര്‍ സ്റ്റാറില്‍ ബാബു ആന്റണിക്കൊപ്പം ഇടിക്കാന്‍ ഹോളിവുഡ് സൂപ്പര്‍ താരം; ഇടിപ്പൂരം തന്നെ കാണാം!