സ്നേഹ സൗരഭത്തിനാല്‍ തമ്മിലാനന്ദം പകരൂ ഹാപ്പി ന്യൂ ഇയര്‍; ഇത്തവണയും അടിച്ചുപൊളിക്കാം ഈ ഗാനങ്ങളിലൂടെ!

അങ്ങിനെ 2020 അവസാനിക്കാൻ ഇനി മണിക്കൂറുകൾ മാത്രമാണ് ബാക്കി. ന്യൂഇയർ ആഘോഷലഹരിയിലാണ് ഏവരും എങ്കിലും കൊറോണയുടെ ഭീതിയിൽ കൂടിയാണ് നമ്മൾ. എങ്കിലും പ്രോട്ടോക്കോൾ പാലിച്ചുകൊണ്ട് നമുക്കും പുതുവർഷത്തെ ആഘോഷത്തോടെ തന്നെ എതിരേൽക്കാം.

അത്തരത്തിൽ ആഘോഷത്തിന് അകമ്പടിചേരാൻ ചില ഗാനങ്ങൾ കൂടി ആയാലോ. എത്ര വർഷങ്ങൾ കഴിഞ്ഞാലും ന്യൂ ഇയർ എന്ന് കേൾക്കുമ്പോൾ സംഗീത പ്രേമികളുടെ മനസ്സിലേക്ക് ഓടിയെത്തുന്ന ചില ഗാനങ്ങൾ ഉണ്ട്. പഴകുംതോറും വീഞ്ഞിനു വീര്യം ഏറും എന്ന് പറയും പോലെയാണ് ഈ ഗാനങ്ങളും.

ALSO READ: ഇതിപ്പോഴാണോ ഇടുന്നത് കുഞ്ഞാപ്പീടെ പിക് ഇടൂ; നിയയോട് സ്നേഹ ശ്രീകുമാർ!
മലയാള സിനിമകളിലൂടെ തരംഗമായിട്ടുള്ള ഹാപ്പി ന്യൂ ഇയർ പാട്ടുകൾ ആണ് പരിചയപ്പെടുത്തുന്നത്.
1977-ൽ പുറത്തിറങ്ങിയ മുറ്റത്തെമുല്ല എന്ന ചിത്രത്തിലെ ഒരു ന്യൂ ഇയർ‍ പാട്ട് ഇന്നും മലയാളികൾ മറക്കാൻ ഇടയില്ല. ഹാപ്പി ന്യൂ ഇയർ ഹാപ്പി ന്യൂ ഇയര്‍ ഹാപ്പി വെല്‍കം വെല്‍കം ഹാപ്പി വെല്‍കം വെല്‍കം, സൗഹൃദങ്ങളാല്‍ മംഗളാശംസ നേരൂ, സ്നേഹസൗരഭത്തിനാല്‍ തമ്മിലാനന്ദം പകരൂ, ഹാപ്പി ന്യൂ ഇയര്‍ ഹാപ്പി ന്യൂ ഇയര്‍...എന്നു തുടങ്ങുന്ന ഗാനം എഴുതിയത് പാപ്പനംകോട് ലക്ഷ്മണനും സംഗീതം നൽകിയത് വി.ദക്ഷിണാമൂർത്തിയുമാണ്.

ALSO READ: തടി കുറയ്ക്കാൻ ഇപ്പൊ ഉദ്ദേശ്യമില്ല; ഇപ്പോൾ സൗന്ദര്യമല്ല
ഛോട്ടാ മുംബെെ എന്ന അന്‍വര്‍ റഷീദ് ചിത്രത്തിലെ സൂപ്പര്‍ ഹിറ്റ് ഗാനമാണ് വാസ്കോഡഗാമ എന്നു തുടങ്ങുന്ന ഗാനം. കൊച്ചിയുടെ ന്യൂ ഇയര്‍ ആഘോഷത്തിന്‍റെ പശ്ചാത്തലത്തില്‍ ഒരുക്കിയിരിക്കുന്ന ഗാനം ഇന്നും സംഗീത പ്രേമികളുടെ മനസ്സിൽ താങ്ങി നിൽക്കുന്നുണ്ട്. ഈ ഗാനങ്ങൾക്ക് പുറമെ മോഹന്‍ലാല്‍ ചിത്രം റെഡ് ചില്ലീസിലെ ഗാനവും കഴിഞ്ഞ വര്ഷം പുറത്തിറങ്ങിയ ആനന്ദം എന്ന സിനിമയിലെ ഗാനവും ന്യൂ ഇയർ മൂഡ് കൊണ്ടുവന്ന പാട്ടുകൾ ആണ്.

സത്യമേവ ജയതേ എന്ന ചിത്രത്തിൽ കൈതപ്രം ദാമോദരൻ നമ്പൂതിരി എഴുതി എം.ജയചന്ദ്രൻ ഈണമിട്ട ധക് ധക് ദിൽ ധട്കേ...എന്ന ഹിന്ദി വരികളോടെ തുടങ്ങുന്ന ഗാനം ഏറെ വൈറലായിരുന്നു. ബിഗ് ബിയിലെ ന്യൂഇയർ ആഘോഷഗാനവും ഇന്നും തരംഗമാണ് ഓരോ സംഗീതപ്രേമികളുടെ മനസ്സിലും സമ്മാനിക്കുക.