പീലിത്തിരുമുടികെട്ടിൽ...'മാമാങ്ക'ത്തിൽ മമ്മൂട്ടി പെൺവേഷത്തിൽ നൃത്തം ചെയ്യുന്ന ഗാനം പുറത്തിറങ്ങി

മമ്മൂട്ടി നായകനായി പുറത്തറങ്ങിയ ബ്രഹ്മാണ്ഡ ചിത്രമായ മാമാങ്കത്തിലെ പുതിയ ഗാനം പുറത്തിറങ്ങി. പീലിത്തിരുമുടികെട്ടിൽ എന്നു തുടങ്ങുന്ന ഗാനമാണ് പുറത്തിറങ്ങിയിരിക്കുന്നത്. ഈ ഗാനരംഗത്തിലാണ് മമ്മൂട്ടി പെൺവേഷത്തിലെത്തി നൃത്തം ചെയ്യുന്നത്. ചിത്രം പുറത്തിറങ്ങും മുമ്പ് ഏറെ ചര്‍ച്ചയായിരുന്ന വേഷമാണിത്.

Also Read: അമാലിന് വെഡ്ഡിങ് ആനിവേഴ്സറി സമ്മാനവുമായി ദുൽഖർ; ഇതൽപം താമസിച്ചെന്ന് ആരാധകർ!

സിനിമയിൽ ഈ രംഗം ഏറെ നിര്‍ണ്ണായകമായൊരു സമയത്താണ് ചേര്‍ത്തിട്ടുള്ളത്. ഈ രംഗത്തിലെ ദൃശ്യങ്ങൾ തീയേറ്ററിൽ നിന്ന് പകർത്തി നിരവധിപേര്‍ സമൂഹമാധ്യമങ്ങളിലൂടെ പ്രചരിപ്പിച്ചിരുന്നത് ഏറെ വിവാദമായിരുന്നു. മാമാങ്കം എട്ട് ദിനം കൊണ്ട് നൂറ് കോടി നേട്ടം പിന്നാലെയാണ് ഇപ്പോള്‍ ഈ ഗാനരംഗം പുറത്തുവിട്ടിരിക്കുന്നത്.

ചിത്രം സംവിധാനം ചെയ്തിരിക്കുന്നത് എം പത്മകുമാറാണ്. കാവ്യാ ഫിലിംസിന്‍റെ ബാനറിൽ വേണു കുന്നപ്പിള്ളിയാണ് സിനിമയുടെ നിര്‍മ്മാണം. യേശുദാസ് ആണ് ഗാനം ആലപിച്ചിരിക്കുന്നത്. റഫീഖ് അഹമ്മദിന്‍റെ വരികള്‍ക്ക് എം.ജയചന്ദ്രനാണ് സംഗീതസംവിധാനം നിര്‍വ്വഹിച്ചിരിക്കുന്നത്.

Also Read: സിദ്ധാര്‍ഥ് മേനോൻ വിവാഹിതനായി; വധു ഉറ്റ സുഹൃത്ത് തൻവി

മധുരരാജയ്ക്ക് ശേഷമുള്ള മമ്മൂട്ടിയുടെ ഈ വർഷത്തെ രണ്ടാമത്തെ 100 കോടി ചിത്രമായി മാറിയിരിക്കുകയാണ് മാമാങ്കം. ചിത്രം കഴിഞ്ഞ ദിവസം 30000 ഷോകൾ ആഗോള തലത്തിൽ പൂർത്തീകരിച്ചിരിച്ചതും വലിയ വാര്‍ത്തയായിരുന്നു.

മമ്മൂട്ടിക്ക് പുറമെ ഉണ്ണി മുകുന്ദൻ, പ്രാചി ടെഹ്‌ലൻ, അനു സിതാര, സിദ്ദിഖ്, തരുൺ അറോറ, സുദേവ് നായർ, ഇനിയ, കനിഹ, മണിക്കുട്ടൻ, ജയൻ ചേർത്തല, കവിയൂർ പൊന്നമ്മ, സുരേഷ് കൃഷ്‌ണ, അച്യുതൻ തുടങ്ങിയവാണ് ചിത്രത്തിലെ പ്രധാന അഭിനേതാക്കള്‍. മലയാളം, തമിഴ്, തെലുങ്ക്, ഹിന്ദി എന്നിങ്ങനെ നാല് ഭാഷകളിലായാണ് ചിത്രം റിലീസിനെത്തിയിരുന്നത്.

Also Watch: