പ്രായമായവരെ ചേർത്തുപിടിക്കാൻ ഓർമ്മിപ്പിച്ച് 'ഗൗതമന്‍റെ രഥ'ത്തിലെ 'തീരാ കഥ' ഗാനം

ഒരു കുടുംബത്തിന് അവരുടെ ആദ്യ വാഹനത്തോടുള്ള ബന്ധം ഏറെ ഹൃദയ സ്പർശിയായി അവതരിപ്പിച്ചിരിക്കുന്ന നവാഗതനായ ആനന്ദ് മേനോൻ ഒരുക്കിയ 'ഗൗതമന്‍റെ രഥം' എന്ന ചിത്രത്തിലെ 'തീരാ കഥ' എന്ന ഗാനം ശ്രദ്ധ നേടുന്നു. നടൻ മമ്മൂട്ടിയാണ് ഈ ഗാനം സോഷ്യൽമീഡിയയിലൂടെ പുറത്തുവിട്ടിരിക്കുന്നത്.

Also Read: ഗൗതമന്‍റെ രഥം സിനിമ റിവ്യൂ

കാറും വ്യക്തിയും തമ്മിൽ മാത്രമല്ല കുടുബത്തിലെ പ്രായമായവരുമായി ഇപ്പോഴത്തെ തലമുറയ്ക്ക് ഉണ്ടാകേണ്ട ആത്മബന്ധത്തെയും ചിത്രം കാണിച്ചുതരുന്നുണ്ട് ഈ ഗാനത്തിലൂടെ. ക്ഷേത്രത്തിലേക്കുള്ള നടവഴിയുടെ ഓരത്തായി ഭിക്ഷ യാചിച്ചിരിക്കുന്ന പ്രായമായ ഒരു സ്ത്രീയെ കാണുമ്പോൾ തന്‍റെ മുത്തശ്ശിയെ തന്നോട് കൂടുതൽ കൂടുതൽ ചേർത്ത് നിർത്തിക്കൊണ്ട് നടന്നുപോകുന്ന ഗൗതമൻ എന്ന കഥാനായകനെ ഗാനരംഗത്തിൽ കാണിക്കുന്നത് ഏറെ ഹൃദയസ്പര്‍ശിയായ രംഗമാണ്.

നീരജ് മാധവ് ആണ് ചിത്രത്തിലെ കേന്ദ്ര കഥാപാത്രമായ ഗൗതമനെ അവതരിപ്പിച്ചിരിക്കുന്നത്. ധാരാളം കഥകൾ പറയുന്ന മുത്തശ്ശിയാണ് ഗൗതമന്‍റെ പ്രിയപ്പെട്ടയാള്‍. മുത്തശ്ശി പറയുന്നതിൽ ഏറെയും പുരാണ കഥകളാണെങ്കിലും പുരാണകഥകൾക്കൊപ്പം മുത്തശ്ശി മറ്റൊരു കഥകൂടെ എന്നും പറയുമായിരുന്നു സിലോണിൽ നിന്നും കാറിൽ വന്നിറങ്ങുന്ന മുത്തശ്ശനെകുറിച്ചായിരുന്നു അത്. അതോടെയാണ് കാര്‍ എന്ന സ്വപ്നം അവന്‍റെ അന്തരംഗത്തിൽ കൊളുത്തുന്നത്.

Also Read: രാജ്ഞിക്കു സമമായി ഭാമ!, ആരും കാണാത്ത വിവാഹ റിസപ്ഷൻ ചിത്രങ്ങൾ ഇതാ!

പ്രായപൂ‍ർത്തിയാകുന്നതോടെയുള്ള ഗൗതമന്‍റെ ഡ്രൈവിംഗ് പഠനവും ശേഷം ആ കുടുംബത്തിലേക്ക് ആദ്യമായ് വാങ്ങുന്ന നാനോകാറും അതു പിന്നീട് ഗൗതമന്‍റെ ജീവിതത്തിൽ വരുത്തുന്ന സ്വാധീനവുമൊക്കെയാണ് ചിത്രം പറയുന്നത്. രഞ്ജി പണിക്കര്‍ അച്ഛൻ കഥാപാത്രമായും ദേവി അജിത്ത് അമ്മയായും വത്സല മേനോൻറെ മുത്തശ്ശിയായും മികച്ച അനുഭവം പ്രേക്ഷകർക്ക് സമ്മാനിക്കുന്നുണ്ട് ചിത്രത്തിൽ.

'തീരാ കഥ' എന്നുള്ള ഗാനം എഴുതിയിരിക്കുന്നത് പുതുതലമുറ ഗാനരചയിതാക്കളിൽ ഏറെ ശ്രദ്ധേയനായ വിനായക് ശശികുമാറാണ്. നവാഗതനായ അങ്കിത് മേനോൻ സംഗീതം നൽകിയിരിക്കുന്ന ഗാനം ആലപിച്ചിരിക്കുന്നത് അങ്കിത് മേനോനും പ്രീത മധു മേനോനും ചേർന്നാണ്.

Also Watch :