ഗോപി സുന്ദറിന്റെ പുതു വർഷ സന്ദേശ ഗാനം 'ന്യൂ ബിഗിനിങ്ങ്സ്' ശ്രദ്ധ നേടുന്നു!

ഗോപി സുന്ദറിന്റെ പുതു വർഷ സന്ദേശ ഗാനം 'ന്യൂ ബിഗിനിങ്ങ്സ് ' സോഷ്യൽ മീഡിയയിൽ കൈയ്യടികൾ നേടുന്നു. ഇരുൾ നിറഞ്ഞ ഇന്നലെകൾ മറന്നു കൊണ്ട് പ്രത്യാശയുടെ പുതുവർഷ സൂര്യ കിരണങ്ങൾ നമ്മുടെ മനസ്സുകളിൽ വെളിച്ചം നിറക്കട്ടെ എന്ന പ്രാർഥനയോടെ ഗോപി സുന്ദർ തന്നെയാണ് ഈ ആൽബം സംഗീതപ്രേമികൾക്ക് സമ്മാനിച്ചിരിക്കുന്നത്. പൂമുത്തോളെ ഫെയിം പിന്നണി ഗായകൻ നിരഞ്ജ് സുരേഷ് വരികൾ എഴുതിയ ഈ ഇംഗ്ലിഷ് ഗാനം പാടിയിരിക്കുന്നത് മെറിൽ ആൻ മാത്യൂ ആണ്. ദേശി രാഗ്, ഉണ്ണിശോ എന്നീ ആൽബങ്ങളിലൂടെ ശ്രദ്ധ നേടിയ ഗായികയാണ് മെറിൽ.

Also Read: കൺമണിയ്ക്കൊപ്പമുള്ള പുതിയ ചിത്രവുമായി അർജ്ജുനും നിഖിതയും

ഗോപി സുന്ദറിൻ്റെ തന്നെ ക്രിസ്തുമസ് കരോൾ പാടിയ മെറിൽ വീണ്ടും ഗോപി സുന്ദർ മ്യൂസിക്ക് കമ്പനിക്ക് വേണ്ടി പാടുന്നു എന്നതും ഈ ആൽബത്തിൻ്റെ മറ്റൊരു പ്രത്യേകതയാണ്. കൂടാതെ ഈ ഗാനത്തിലൂടെ ലോകത്തിന്റെ നാനാ ഭാഗത്തു നിന്നും 62 വിവിധ രാജ്യങ്ങളിലെ ആളുകൾ സമാധാന സന്ദേശവുമായി ഒരേ മനസ്സോടെ പുതുവത്സര ആശംസകൾ കൈമാറുന്നുവെന്നതും ഈ ഗാനത്തിന്റെ മറ്റൊരു സവിശേഷതയായി ചൂണ്ടിക്കാട്ടുന്നു. ഗോപി സുന്ദർ ഈ ഗാനം ചിട്ടപ്പെടുത്തിയിരിക്കുന്നത് വെസ്റേറൺ ശൈലിയിൽ ആണ്. ഗോപി സുന്ദർ മ്യൂസിക്ക് കമ്പനി ആണ് 'ന്യൂ ബിഗിനിങ്ങ്സ് ' ലോകത്തിന് സമർപ്പിക്കുന്നത്.

Also Read: കേരള രാജ്യാന്തര ചലച്ചിത്രമേള ഇക്കുറി തലസ്ഥാനത്ത് മാത്രമല്ല

യൂസഫ് ലെൻസ് മാൻ ഈ ഗാനത്തിൻ്റെ ക്രിയേറ്റിവ് ഹെഡാണ്, ഡി ഒ പി നിതിൻ പി മോഹനാണ് , രഞ്ജിത്ത് ടച്ച് റിവറാണ് ഈ ആൽബത്തിൻ്റെ എഡിറ്റർ. ഷൈൻ റായമ്സ് ,ഫൈസൽ നാലകത്ത് ,ഷംസി തിരൂർ , ഷിഹാബ് അലി എന്നിവരാണ് ക്രിയേറ്റീവ് സപ്പോർട്ട് ടീം. ഗോപി സുന്ദറിൻ്റെ ഈ ഗാനത്തെ വ്യത്യസ്തമാക്കുന്നത് പ്രമേയം തന്നെയാണ്. ഇരുൾ വീണ ഒരു വർഷത്തിൻ്റെ വേദനകൾ മറന്നു, ലോകം മുഴുവൻ പുതുവത്സര സൂര്യന്റെ പോസിറ്റീവ് വെളിച്ചം നിറയട്ടെ എന്ന ആശയമാണ് ആൽബം പങ്കുവെക്കുന്നത്.

Also Read: 'ദൃശ്യം 2' ഒടിടി റിലീസ്; മോഹൻലാലും ആന്‍റണിയും കാണിച്ചത് അനീതി

മെറിൽ ആൻ മാത്യു പാടിയ ഈ ഗാനത്തിൻ്റെ ആശയം പറയുന്നത് പ്രതിസന്ധികൾക്കിടയിലും തളരാതെ പ്രതീക്ഷയുടെ പുതുനാമ്പുകൾ വിരിയുമെന്ന ശുഭ ചിന്തകൾ നമ്മുടെ മനസ്സുകളിൽ വിരിയട്ടെ എന്നാണ്. ഖത്തർ ദോഹയിലെ ബിർള പബ്ലിക് സ്കൂളിലെ ആറാം ക്ലാസ്സ്‌ വിദ്യാർത്ഥിനിയാണ് മെറിൽ. കണ്ണൂർ ആലക്കോട് അറക്കൽ മനോജ്‌ മാത്യു - നിഷ വർഗീസ് ദമ്പതികളുടെ പുത്രിയാണ് മെറിൽ.