എന്റെ ശബ്ദം നഷ്ടപ്പെട്ടിരിക്കുന്നു! 15 ദിവസത്തെ വോയ്‌സ് റെസ്റ്റിലാണെന്ന് ഹരീഷ് ശിവരാമകൃഷ്ണന്‍! ഈ സമയവും കടന്നുപോവും, ശക്തനായി തിരിച്ച് വരികയെന്ന് ആരാധകര്‍

ശബ്ദം ഇല്ലാത്ത ഞാൻ ഞാനേ അല്ല എന്നതാണ് ശബ്ദം നഷ്ടപ്പെട്ടിരിക്കുന്ന ഈ സാഹചര്യത്തിൽ ഉള്ള എന്റെ വലിയ തിരിച്ചറിവ്. വോയ്സ്റ്റ് റെസ്റ്റ് ഫോർ 15 ഡേയ്സ് എന്നായിരുന്നു ഹരീഷ് ശിവരാമകൃഷ്ണൻ ഫേസ്ബുക്കിൽ കുറിച്ചത്. സഹപ്രവർത്തകരും ഗായകരുമുൾപ്പടെ നിരവധി പേരാണ് ഹരീഷിന്റെ പോസ്റ്റിന് താഴെയായി കമന്റുകൾ പോസ്റ്റ് ചെയ്തത്.

ഗായകനോട് മിണ്ടാതിരിക്കാൻ പറഞ്ഞാലുള്ള അവസ്ഥ എന്താണ്. സാരമില്ല 15 ദിവസം മിണ്ടാതിരുന്നു ഇഷ്ടമുള്ള പാട്ടുകൾ കേൾക്കൂ. ആ ശബ്ദം കേൾക്കാൻ ഞങ്ങളും കാത്തിരിക്കാം. ഇത് വിശ്രമിക്കാനുള്ള സമയം ആണെന്ന് മാത്രം വിചാരിക്കുക. വിശ്രമിക്കുക. തിരിച്ചു വരിക ഇതിന്റെയും കൂടെ കേട് പാടി തീർക്കുക. ശബ്ദത്തിനും മൗനത്തിനും ഇടയിൽ ധ്യാനാവസ്ഥ. എല്ലാം ദൈവനിശ്ചയം. ഈ സമയവും കടന്ന് പോകുമെന്നായിരുന്നു ആരാധകർ പറഞ്ഞത്.

15 ദിവസം കഴിഞ്ഞുള്ള ആ ഗംഭീര തിരിച്ചു വരവിനായി കാത്തിരിക്കുന്നു. ഇതുവരെ പാടിയ പാട്ടുകൾ ഉണ്ടല്ലോ. തൽക്കാലം അത് വെച്ച് അഡ്ജസ്റ്റ് ചെയ്യാം. താങ്കൾ നിരന്തരം പാടിക്കൊണ്ടേയിരിക്കുന്നു. ചിലപ്പോൾ പ്രകൃതി കല്പിച്ചതാവും കുറച്ചു വിശ്രമിക്കാൻ വേണ്ടി. ഇതൊരു ഇടവേളയായി കാണൂ. വിശ്രമിക്കൂ. കൂടുതൽ ഊർജസ്വലനായി തിരിച്ചുവരൂ. പൂർവ്വാധികം ശക്തിയോടെ തിരിച്ചു വരുന്നതിന് വേണ്ടിയുള്ള ഒരു വിശ്രമം. അത്ര കണ്ടാൽ മതിയെന്നുമായിരുന്നു പോസ്റ്റിന് താഴെയുള്ള കമന്റുകൾ.

ഹരീഷിന്റെ പാട്ടുപോലെ തന്നെ പ്രിയപ്പെട്ടതാണ് സംസാരവും. പാട്ടിനിടയിലായി ആരാധകരുമായി സംവദിക്കാറുണ്ട് അദ്ദേഹം. മനസ് നിറഞ്ഞ് ചിരിച്ച് ആസ്വദിച്ചാണ് അദ്ദേഹം പാടാറുള്ളത്. തനിക്ക് പ്രിയപ്പെട്ട സംഗീതജ്ഞരെക്കുറിച്ചും അദ്ദേഹം വാചാലനാവാറുണ്ട്. വിഷാദത്തെ മറികടന്നതിനെക്കുറിച്ചും പുതുതലമുറയിലെ പാട്ടുകാരെക്കുറിച്ചും മകളെക്കുറിച്ചുമെല്ലാം വാചാലനായുള്ള പോസ്റ്റുകളെല്ലാം നേരത്തെ വൈറലായിരുന്നു.