പ്രണയാര്‍ദ്രരായി ദീപക്കും പ്രയാഗയും; സംഗീതപ്രേമികളുടെ ഹൃദയങ്ങൾ കീഴടക്കി ഭാവരാഗം!

ദീപക് പറമ്പോലിനേയും പ്രയാഗ മാർട്ടിനേയും കേന്ദ്ര കഥാപാത്രങ്ങളാക്കി ഷൈജു അന്തിക്കാട് ഒരുക്കുന്ന പുതിയ ചിത്രമായ 'ഭൂമിയിലെ മനോഹര സ്വകാര്യ'ത്തിലെ പുതിയ ഗാനം പുറത്ത് വിട്ടു. സ്മരണകൾ കാടായ് എന്ന് തുടങ്ങുന്ന ഗാനമാണ് ഇപ്പോൾ പുറത്ത് വിട്ടിരിക്കുന്നത്. അൻവര്‍ അലിയുടെ പ്രണയാര്‍ദ്രമായ വരികൾക്ക് ഭാവം ഒട്ടും ചോരാതെ ഈണം പകര്‍ന്നിരിക്കുന്നത് സച്ചിൻ ബാലുവാണ്. ഷഹബാസ് അമനും സിതാര കൃഷ്ണകുമാറുമാണ് ഈ സുന്ദര ഗാനം ആലപിച്ചിരിക്കുന്നത്.

Also Read: മഞ്ജുവും ബിജുവും വീണ്ടും!; 'ലളിതം സുന്ദര'വുമായി മധു വാര്യർ': ആശംസകളുമായി 'ബിഗ് എം'സ്!

അൻ്റോണിയോ മൈക്കിളിൻ്റെ ക്യാമറാക്കാഴ്ചകൾ അതിസുന്ദരമാണ്. സീൻ ഒന്ന് നമ്മുടെ വീട്, ഹണി ബീ 2.5 എന്നീ സിനിമകൾക്ക് ശേഷം ഷൈജു അന്തിക്കാട് സംവിധാനം ചെയ്യുന്ന ചിത്രമാണിത്. ബയോസ്കോപ് ടാക്കീസിന്‍റെ ബാനറിൽ രാജീവ്‌കുമാർ നിർമിക്കുന്ന ചിത്രം ഒരു പ്രണയകഥയാണെന്ന സൂചന മുൻപ് പുറത്ത് വിട്ട ടീസർ നൽകിയിരുന്നു. പ്രണയബദ്ധരായുള്ള ദീപകും പ്രയാഗയുമാണ് ടീസറിലുണ്ടായിരുന്നതെങ്കിൽ ഗാനത്തിലും മറിച്ചല്ല അവസ്ഥ.

അസാധാരണമായ മേക്കോവറിലാണ് ഇന്ദ്രൻസും സുധീഷും ചിത്രത്തിൽ പ്രത്യക്ഷപ്പെടുന്നത്. എ. ശാന്തകുമാർ തിരക്കഥയും സംഭാഷണവും ഒരുക്കിയിരിക്കുന്നത്. സച്ചിൻ ബാലുവാണ് ചിത്രത്തിന് സംഗീതം നൽകിയിരിക്കുന്നത്. ലാൽ, ഷൈൻ ടോം ചാക്കോ, അഭിഷേക് രവീന്ദ്രൻ, അഞ്ചു അരവിന്ദ്, നിഷ സാരംഗ്, ഹരീഷ് പേരാടി, സന്തോഷ് കീഴാറ്റൂർ, മഞ്ജു തുടങ്ങി നിരവധിയവരാണ് ചിത്രത്തിലെ മറ്റു അഭിനേതാക്കൾ.

Also Read: ‘മദ്യപിക്കുന്നത് തുറന്നു പറയാന്‍ എന്തിനാണ് പേടി, അത് അത്ര വലിയ കുറ്റമൊന്നുമല്ലല്ലോ?’

വി. സാജനാണ് ചിത്രത്തിന്‍റെ എഡിറ്റര്‍. വയലാർ ശരത് ചന്ദ്ര വർമ്മ, അൻവർ അലി, മനു മഞ്ജിത്, എ ശാന്തകുമാർ എന്നിവരാണ് ചിത്രത്തിനായി ഗാനങ്ങൾ എഴുതിയിരിക്കുന്നത്. സതീഷ് നെല്ലായയാണ് ചിത്രത്തിൻ്റെ കലാസംവിധായകൻ. രാജീവ് അങ്കമാലി ചമയവും കുമാർ എടപ്പാൾ വസ്‌ത്രാലങ്കാരവും നിർവഹിച്ചിരിക്കുന്നു. ചിത്രം മാർച്ചിൽ തീയേറ്ററുകളിൽ എത്തും.