സംഗീത പ്രേമികളുടെ മനം കവർന്ന് പത്താം വളവിലെ ഗാനം; മ്യൂസിക് ട്രെൻഡിങ്ങിൽ മുൻനിരയിൽ 'ഏലമലക്കാടിനുള്ളിൽ'...

രഞ്ജിൻ രാജിന്റെ സംഗീതത്തിൽ പ്രേക്ഷക ഹൃദയം കീഴടക്കിയ പത്താം വളവിലെ ഗാനം 'ഏലമലക്കാടിനുള്ളിൽ' ഇപ്പോഴും യൂട്യൂബിൽ ട്രെൻഡിങ്ങിൽ നാലാം സ്ഥാനത്ത് തുടരുന്നു. ഹൃദയഹാരിയായ പാട്ട് പാടിയിരിക്കുന്നത് ഹരിചരൺ ആണ്. വിനായക് ശശികുമാറിന്റെ വരികൾക്ക് സംഗീതം നൽകിയിരിക്കുന്നത് രഞ്ജിൻ രാജാണ്. 'ഏലമലക്കാടിനുള്ളിൽ' എന്ന ഈ പാട്ട് വളരെ ഇമ്പമാർന്നതും ദൃശ്യ സമ്പന്നവുമാണ്.

സുരാജ് വെഞ്ഞാറമൂടും ഇന്ദ്രജിത്ത് സുകുമാരനും ഒന്നിക്കുന്ന ഫാമിലി ഇമോഷണൽ ത്രില്ലർ ചിത്രമായ പത്താം വളവ് തീയേറ്ററുകളിൽ എത്തിയിട്ട് മൂന്ന് ദിവസം പിന്നിടുമ്പോഴേക്കും മികച്ച പ്രതികരണങ്ങളാണ് കേൾക്കുന്നത്. വളരെ ഹൃദയസ്പർശിയായ ഒരു കഥയാണ് എം. പദ്മകുമാറിന്റെ സംവിധാനത്തിൽ ഒരുക്കിയ ഫാമിലി ഇമോഷണൽ ത്രില്ലർ എന്ന് പ്രേക്ഷകർ ഒന്നടങ്കം പറയുന്നു.

വര്‍ഷങ്ങള്‍ക്കു മുമ്പ് കേരള മനസാക്ഷിയെ ഞെട്ടിച്ച ഒരു യഥാര്‍ത്ഥ സംഭവത്തെ ആസ്പദമാക്കിയൊരുക്കിയ ചിത്രത്തിൽ അതിഥി രവിയും സ്വാസികയുമാണ് നായികമാര്‍. നടി മുക്തയുടെ മകള്‍ കണ്മണി അഭിനയരംഗത്തേക്ക് അരങ്ങേറ്റം കുറിക്കുന്ന ചിത്രം കൂടിയാണ് പത്താം വളവ്.

Also Watch :