പ്രണയഭാവങ്ങൾ നിറച്ച് സ്ലീവാച്ചൻ്റെ റിൻസിയും നവജിത്തും; 'കോഴിപ്പോരി'ലെ ആദ്യ ഗാനം വൈറൽ!

സോഷ്യൽ മീഡിയയിൽ വൈറലായി മാറുകയാണ് കോഴിപ്പോരിലെ പ്രണയഗാനം. സ്ലീവാച്ചൻ്റെ റിൻസിയായി അഭ്രപാളിയിൽ മിന്നും പ്രകടനം കാഴ്ച വെച്ച വീണാ നന്ദകുമാറാണ് ചിത്രത്തിലെ നായിക. ആദ്യത്തെ നോക്കിൽ നീ ചന്ദക്കാരി എന്ന് തുടങ്ങുന്ന ഗാനമാണ് അണിയറപ്രവര്‍ത്തകര്‍ പുറത്ത് വിട്ടിരിക്കുന്നത്. വിനായക് ശശികുമാര്‍ എഴുതിയിരിക്കുന്ന വരികൾക്ക് സംഗീതം പകര്‍ന്നിരിക്കുന്നത് ബിജിപാലാണ്. ബിജിപാലും ആനി ആമിയും ചേർന്നാണ് ആലപിച്ചിരിക്കുന്നത്.

Also Read: 'ട്രാൻസി'ലെ സൗബിന്‍റെ 'മത്തായിച്ചൻ' പാട്ട്

ജിനോയ്- ജിബിത് എന്ന നവാഗതർ സംവിധാനം ചെയ്ത കോഴിപ്പോര് എന്ന ചിത്രത്തിലെ മനോഹരമായ മെലഡി ആസ്വാദക ഹൃദയങ്ങൾ കീഴടക്കി മുന്നേറുകയാണ്. പോരാട്ടം, ആമി, ലില്ലി എന്നീ സിനിമകളിലൂടെ ശ്രദ്ധേയനായ നവജിത് നാരായൺ ആണ് നായക വേഷത്തിലെത്തുന്നത്. ജോളി ചിറയത്ത്, സീനു സോഹന്‍ലാല്‍, സുധി കോപ്പ,പോളി വത്സൻ, ഇന്ദ്രൻസ്, പ്രോവീണ് ടി ജെ എന്നിവരാണ് ചിത്രത്തിലെ മറ്റു മുഖ്യവേഷങ്ങള്‍ അവതരിപ്പിക്കുന്നത്.

Also Read: 'എന്നൈ വിട്ട് എങ്കും പോകാതേ.. എൻട്രും പോകാതേ': 'കണ്ണും കണ്ണും കൊള്ളൈയടിത്താൽ'ലെ ഗാനം

ഈ ചിത്രത്തിന് തിരക്കഥയും സംഭാഷണങ്ങളും രചിച്ച ജിനോയ് ജനാർദ്ദനനും ചിത്രത്തിൽ അഭിനയിച്ചിട്ടുണ്ട്. രാഗേഷ് നാരായണനാണ് ചിത്രത്തിനായി ക്യാമറ ചലിപ്പിച്ചിരിക്കുന്നത്. ദൃശ്യങ്ങൾ മിഴിവ് പുലർത്തിയപ്പോൾ അപ്പു ഭട്ടതിരിയുടെ എഡിറ്റിംഗും പ്രശംസ അര്‍ഹിക്കുന്നതാണ്.