ആരോഗ്യപ്രവർത്തകരുടെ സേവനത്തിന് ആദരവായി ‘മലൈക്ക’

കൊവിഡ്– 19 എന്ന മഹാമാരിയെ ലോകം ഒറ്റക്കെട്ടായി നേരിട്ടു കൊണ്ടിരിക്കുകയാണ്. ലോകം മുഴുവനുമുള്ള ആരോഗ്യപ്രവർത്തകർ രോഗികളെ ശുശ്രൂഷിക്കാനും രോഗം പടരാതിരിക്കാനും കാട്ടുന്ന ജാഗ്രത നമ്മുടെ നാടിനെ സുരക്ഷിതമാക്കുന്നതിൽ പ്രധാന പങ്കുവഹിക്കുന്നുണ്ട്. ലോകത്തിന്റെ എല്ലാ ഭാഗങ്ങളിലും മലയാളികളായ ആരോഗ്യ പ്രവർത്തകർ കൊവിഡിനെതിരായ പോരാട്ടത്തിൽ എല്ലാം മറന്ന് മുന്നിലുണ്ട്. ആരോഗ്യപ്രവർത്തകരുടെ സേവനത്തിന് ആദരമർപ്പിക്കുന്ന നിരവധി വീഡിയോകൾ മുൻപും സമൂഹമാധ്യമങ്ങളിൽ ശ്രദ്ധ നേടിയിരുന്നു. ഇപ്പോഴിതാ ആരോഗ്യപ്രവർത്തകർക്ക് നൃത്തത്തിലൂടെ ആദരമർപ്പിക്കുകയാണ് ഒരു കൂട്ടം ചെറുപ്പക്കാർ.

Also Read: 'ഒടിഞ്ഞ കാലുമായാണ് ആ ഫൈറ്റ് സീക്വൻസ് ചെയ്തത്

അണിയറപ്രവർത്തവർ ഈ വീഡിയോ ഒരുക്കിയിരിക്കുന്നതിനായി ബുദ്ധിമുട്ടുകൾ നേരിട്ടുവെന്നും അണിയറപ്രവർത്തകർ ആരും തന്നെ തമ്മിൽ കാണാതെ സാമൂഹിക അകലം പാലിച്ചു കൊണ്ടു തന്നെ ആണ് ഇതു അണിയിച്ചൊരുക്കിയിരിക്കുന്നതെന്നതും വീഡിയോയെ ശ്രദ്ധേയമാക്കുന്നു. ഡാൻസ് ചെയ്തിരിക്കുന്ന സംഗവി തന്നെയാണ് വിഡിയോയും ഷൂട്ട്‌ ചെയ്തിരിക്കുന്നത്. മനുഷ്യൻ ഏറെ ഭീതിയോടെ കടന്നുപോകുന്ന ഈ കൊറോണക്കാലത്തും ലോക ജനത ഏറെ ആദരവോടെയും നന്ദിയോടെയും ഓർക്കുകയാണ് ലോകം മുഴുവനുമുള്ള ആതുര സേവകരെ എന്ന് ഓർമ്മപ്പെടുത്തുക കൂടിയാണ് ഈ വീഡിയോ.

Also Read: 57 ദിവസങ്ങൾക്ക് ശേഷം അവനെ കണ്ടുമുട്ടി

മിനിവൂഡ് സ്റ്റുഡിയോസിന്റെ ബാനറിൽ ക്ലാസിക്കൽ ഡാൻസ് രൂപേണ ചിട്ടപ്പെടുത്തിയിരിക്കുന്ന ഈ ആൽബം സംവിധാനം ചെയ്തിരിക്കുന്നത് ടിജോ തങ്കച്ചൻ ആണ്. എഡിറ്റിംഗും ടിജോ തന്നെയാണ് നിർവ്വഹിച്ചിരിക്കുന്നത്. അഭി ബർണബാസിന്റെ വരികൾക്ക്
സുരേഷ് നന്ദൻ ഈണം പകർന്നിരിക്കുന്നു. പ്രസൂൺ ഗോവിന്ദ് , ഗായത്രി സുരേഷ് ,നിഖിൽ മുരളി എന്നിവർ ചേർന്നാണ് ഗാനം ആലപിച്ചിരിക്കുന്നത്.

Also Read: ഫാമിലി വാട്സ് ആപ്പ് ഗ്രൂപ്പിലെ 'രഹസ്യങ്ങള്‍'

സംഗവി പ്രസാദ് ആണ് സിനിമോട്ടോഗ്രഫി ചെയ്തിരിക്കുന്നത്. ബിൻസി മറിയം ജോസഫ് അസ്സോസിയേറ്റ് ഡയറക്ടർ ആയും, ഗൗരി ജയൻ ,അഖിൽ എ കുമാർ എന്നിവർ അസിസ്റ്റന്റ് ഡിറക്ടർസ് ആയും പ്രവർത്തിച്ച ഈ ആൽബത്തിന്റെ ക്രീയേറ്റീവ് പ്രൊഡ്യൂസർ ജിജോ തങ്കച്ചൻ ആണ്. പബ്ലിസിറ്റി ഡിസൈനിങ് മിലനും നിർവഹിച്ചിരിക്കുന്നു. ഈ ഗാനത്തിനും , ക്ലാസ്സീക്കൽ ഡാൻസിനും ഇതിനോടകം സോഷ്യൽ മീഡിയയിൽ വൻ സ്വീകരണമാണ് ലഭിച്ചു കൊണ്ടിരിക്കുന്നത്.