മലയാള സിനിമാ ചരിത്രത്തിലേക്ക് 'ക്രോസ് റോഡ്'

മലയാള സിനിമാ ചരിത്രത്തില്‍ പുതിയ അനുഭവമായി ക്രോസ് റോഡ് ഒരുങ്ങുന്നു. പത്ത് സംവിധായകരുടെ പത്ത് ചിത്രങ്ങള്‍ കൂട്ടിച്ചേര്‍ത്തിറങ്ങുന്ന ചിത്രമാണ് ക്രോസ് റോഡ്. സ്ത്രീകളുടെ പ്രശ്‌നങ്ങൾ പ്രമേയമാക്കിയാണ് ചിത്രം.

ക്രോസ് റോഡ് എന്ന ചലച്ചിത്ര സമാഹാരത്തിന്റെ സ്വിച്ച് ഓണ്‍ കര്‍മം തിരുവനന്തപുരം കലാഭവന്‍ തിയ്യറ്ററില്‍ മുഖ്യമന്ത്രി പിണറായി വിജയനാണ് നി‍ർവഹിച്ചത്. കേരള ചലച്ചിത്ര അക്കാദമി ചെയര്‍മാന്‍ കമല്‍, സംവിധായകന്‍ സിബി മലയില്‍, സിനിമാ സമാഹാരത്തില്‍ അഭിനേതാക്കളായെത്തുന്ന ശ്രുതി മേനോന്‍, പ്രിയങ്ക, മാനസ, കാഞ്ചന തുടങ്ങിയവരും ചടങ്ങില്‍ പങ്കെടുത്തു. പാര്‍വ്വതി, മംമ്ത മോഹന്‍ ദാസ്, ആല്‍ബര്‍ട്ട്, പത്മപ്രിയ, റിച്ച, ഇഷാ തല്‍വാര്‍, സൃന്ദ തുടങ്ങിയവരാണ് മറ്റു അഭിനേതാക്കള്‍.



ലെനിന്‍ രാജേന്ദ്രന്‍ ചെയര്‍മാനായ ഫോറം ഫോര്‍ ബെറ്റര്‍ ഫിലിംസാണ് ചലച്ചിത്ര സമാഹാരം നിര്‍മിക്കുന്നത്. ലെനിന്‍ രാജേന്ദ്രന്‍, ശശി പറവൂര്‍, രാജീവ് രവി, മധുപാല്‍, നേമം പുഷ്പരാജ്, അശോക് ആര്‍ നാഥ്, അവിരാ റെബേക്കാ, ബാബു തിരുവല്ല, പ്രദീപ് നായര്‍, ആല്‍ബര്‍ട്ട് എന്നീ സംവിധായകര്‍ക്ക് പുറമെ പുതുമുഖ സംവിധായിക നയനാ സൂര്യയും കഥകള്‍ സംവിധാനം ചെയ്യുന്നു.