'ക്യാപ്റ്റൻ' ചിത്രീകരിക്കാൻ 100 അടി നീളമുള്ള ട്രാക്ക്

ജയസൂര്യ നായകനായി എത്തുന്ന ക്യാപ്റ്റന്‍റെ ചിത്രീകരണത്തിന് നൂറ് അടി നീളമുള്ള ട്രോളി ട്രാക്ക്. കാലിക്കറ്റ് സർവകലാശാലയുടെ സ്റ്റേഡിയത്തിൽ വെച്ച് നടത്തുന്ന ചിത്രീകരണത്തിന് വേണ്ടിയാണ് നീളമേറിയ ക്യാമറപ്പാത ഉപയോഗിക്കുന്നത്. മലയാള സിനിമയിൽ ഇതാദ്യമായാണ് ഇത്രയും നീളമേറിയ ട്രാക്ക് ചിത്രീകരണത്തിനായി സജ്ജീകരിക്കുന്നത്. സംവിധായകൻ പ്രജേഷ് സെന്നയും ജയസൂര്യയും ചേർന്നാണ് ട്രാക്കിന്‍റെ ഉദ്ഘാടന കർമ്മം നടത്തിയത്.

നീളമേറിയ പാതയിലൂടെ ആദ്യമായി ക്യാമറ പായിച്ചത് ഛായാഗ്രാഹകനായ റോബി വർഗീസ് രാജുവും സഹായികളും ചേർന്നാണ്. ഇന്ത്യൻ ഫുട്ബോൾ താരം വി.പി സത്യന്‍റെ ജീവിതത്തെ ആസ്പദമാക്കിയുള്ളതാണ് ചിത്രം. കലിക്കറ്റ് സർവകലാശാലയുടെ സ്റ്റേഡിയത്തിൽ വെച്ചാണ് ഫുട്ബോൾ രംഗങ്ങളുടെ ചിത്രീകരണം പുരോഗമിക്കുന്നത്. 1992 കാലഘട്ടങ്ങളിലെ സന്തോഷ് ട്രോഫി മത്സരത്തിനാണ് ഈ സർവകലാശാല സ്റ്റേഡിയം വേദിയാകുന്നത്. ഫുഡ്ബോൾ കളി ചിത്രീകരണത്തിനിടയ്ക്ക് ജയസൂര്യയ്ക്ക് പരിക്കേറ്റതിനാൽ കഴിഞ്ഞാഴ്ച കുറച്ച്ദിവസത്തേക്ക് ഷൂട്ടിങ് മുടങ്ങിയിരുന്നു.

100 feet trolly track uses first time in Jayasurya's movie captain

Jayasuray's captain shooting is progressing in calicut university stadium. This movie is based on a football player V.P Sasi and jayasurya plays his role in captain.