ലാൽ ഭാവങ്ങളിൽ '1971 ബിയോണ്ട് ബോർഡേഴ്സ്' ടീസ‍ർ

ആരാധകർ ഏറെ കാത്തിരിയ്ക്കുന്ന മോഹൻലാൽ - മേജർ രവി ചിത്രം “1971 ബിയോണ്ട് ബോർഡേഴ്സ്”ന്റെ ഒഫീഷ്യൽ ടീസറെത്തി. മോഹൻലാലിന്റെ ഫേസ് ബുക്ക് പേജിലൂടെയാണ് ടീസർ റിലീസ് ചെയ്തത്. സംവിധായകൻ മേജർ രവി തന്റെ ഫേസ് ബുക്ക് പേജിലൂടെ ഷെയ്ർ ചെയ്തിട്ടുണ്ട്.



2015 ൽ റിലീസ് ചെയ്ത് പൃഥ്വിരാജ് നായകനായ പിക്കറ്റ് 43യ്ക്കു ശേഷം മേജർ രവി സംവിധാനം ചെയ്യുന്ന ചിത്രമാണ് “1971 ബിയോണ്ട് ബോർഡേഴ്സ്”. മോഹൻലാൽ - മേജർ രവി ടീമിന്റെ പട്ടാള ചിത്രം എന്നതും ചിത്രത്തിൽ മോഹൻലാൽ ഇരട്ട വേഷത്തിൽ എത്തുന്നു എന്നതുമാണ് ആരാധകരെ ആവേശത്തിലാഴ്ത്തുന്നത്. കർമ്മ യോദ്ധയ്ക്കു ശേഷം ഇരുവരും ഒന്നിയ്ക്കുന്ന ചിത്രം കൂടിയാണിത്. ആശാ ശരത്ത്,അല്ലു സിരീഷ്, രഞ്ജി പണിക്കർ, സൈജു കുറുപ്പ്, സുധീർ കരമന എന്നിവരാണ് ചിത്രത്തിലെ മറ്റു താരങ്ങൾ.

1971 Beyond Borders Official Teaser.