IFFK 2018:'സുഡാനി'യും 'ഈമയൗ'വും ഐഎഫ്‍എഫ്‍കെ മത്സരവിഭാഗത്തിൽ

കേരള രാജ്യാന്തര ചലച്ചിത്രമേളയിലെ മത്സര വിഭാഗത്തിലേക്ക് സുഡാനി ഫ്രം നൈജീരിയയും ഈമയൗവും തെരഞ്ഞെടുത്തു. സക്കരിയ സംവിധാനം ചെയ്‍ത സുഡാനി, ലിജോ ജോസ് പെല്ലിശ്ശേരി സംവിധാനം ചെയ്‍ത ഈ മ യൗ എന്നീ ചിത്രങ്ങൾക്കൊപ്പം 'മലയാളം സിനിമ ഇന്ന്' എന്ന വിഭാഗത്തിലേക്ക് 12 സിനിമകളും തെരഞ്ഞെടുത്തിട്ടുണ്ട്.

ഓത്ത്, പറവ, ഭയാനകം, ഉടലാഴം, മായാനദി, ബിലാത്തിക്കുഴല്‍, പ്രതിഭാസം, ഈട, കോട്ടയം. ഹ്യൂമൻസ് ഓഫ് സംവണ്‍, സ്ലീപ്‍ലെസ്സ്‍ലി യുവേഴ്‍സ്, ആവേ മരിയ എന്നീ ചിത്രങ്ങളാണ് മലയാളം സിനിമ ഇന്ന് എന്ന വിഭാഗത്തിലേക്ക് തെരഞ്ഞെടുത്തത്.

സിബി മലയില്‍ ചെയര്‍മാനായ അഞ്ചംഗ സമിതിയാണ് ചിത്രങ്ങള്‍ തെരഞ്ഞെടുത്തത്. ജോര്‍ജ് കിത്തു, ഫാറൂഖ് അബ്‍ദുള്‍ റഹ്‍മാൻ, ഡോ. ടി അനിത കുമാരി, ഡോ. മോഹനകൃഷ്‍ണൻ എന്നിവരാണ് സമിതിയിലെ മറ്റ് അംഗങ്ങൾ.

തെരഞ്ഞെടുത്തിരിക്കുന്ന 14 ചിത്രങ്ങളില്‍ 10 എണ്ണവും നവാഗത സംവിധായകരുടേതാണെന്നതാണ് ഈ മേളയിലെ പ്രത്യേകത. നവംബര്‍ ഒന്നിനാണ് ഡെലിഗേറ്റ് രജിസ്‍ട്രേഷൻ ആരംഭിക്കുക.