'28 ഡിഗ്രി സെല്‍ഷ്യസി'ന്‍റെ ടീസര്‍

നവീന്‍ ചന്ദ്ര നായകനായി എത്തുന്ന പുതിയ തെലുങ്ക് ചിത്രമായ 28 ഡിഗ്രി സെല്‍ഷ്യസിന്‍റെ ടീസര്‍ റിലീസ് ചെയ്തു. ശാലിനി ആണ് ചിത്രത്തിലെ നായികയായെത്തുന്നത്. ഹര്‍ഷ, രാജ, രവീന്ദ്ര, പ്രിയദര്‍ശി എന്നിവരാണ് ചിത്രത്തിലെ മറ്റ് താരങ്ങള്‍.

ചിത്രത്തിന് സംഗീതം ഒരുക്കിയിരിക്കുന്നത് ശ്രാവണ്‍ ആണ്. അഭിഷേക് നിര്‍മിച്ചിരിക്കുന്ന ഈ ചിത്രം സംവിധാനം ചെയ്തിരിക്കുന്നത് അനില്‍ വിശ്വനാഥ് ആണ്. സാമ്പാക്കുള സായ് അഭിഷേകാണ് ചിത്രം നിര്‍മ്മിക്കുന്നത്. ചിത്രം ഒരു ക്രൈം ത്രില്ലറാണെന്നാണ് ടീസര്‍ തരുന്ന സൂചന. ചിത്രം മെയ്യിലാണ് റിലീസ് ചെയ്യുന്നത്.

ചിത്രത്തിന്‍റെ ടീസറിന് മികച്ച പ്രതികരണമാണ് ലഭിക്കുന്നത്. മികച്ച ഛായാഗ്രഹണവും എഡിറ്റിങ്ങുമാണ് ടീസര്‍ കണ്ടവര്‍ ഏറെ പുകഴ്ത്തുന്നത്. ചിത്രം തെലുങ്കിൽ നവാഗതനായ ഒരു നായകന്‍റെ കൂടി ജനനം കുറിക്കുമെന്ന് ഏവരും പറയുകയാണ്.