ഐശ്വര്യ – അഭിഷേക് ബന്ധത്തിൽ സംഭവിച്ചതെന്ത്?

പൊതുവേദിയിൽ ഐശ്വര്യയോട് അഭിഷേക് പൊട്ടിത്തെറിക്കുന്ന വീഡിയോ ബിടൗൺ മറന്നിട്ടില്ല. 'സർബജിത്തി'ന്‍റെ ആദ്യ പ്രദർശനവേളയിലാണ് സംഭവം.ഫോട്ടോ സെഷനിൽ അകലം പാലിക്കുന്ന അഭിഷേകിന്‍റെ വീഡിയോ വൈറലായിരുന്നു. എന്തായാലും ഐശ്വര്യ – അഭിഷേക് ബന്ധത്തിൽ വിള്ളൽ വീണിരുന്നോ എന്നായിരുന്നു എല്ലാവരുടേയും സംശയം. എന്നാൽ ഇതിനൊക്കെ മറുപടി അഭിഷേക് ബച്ചൻ നൽകുന്നു.

"സത്യം എന്താണെന്ന് എനിക്കറിയാം. പ്രശ്നത്തെ മാധ്യമങ്ങൾ എത്രത്തോളം ഗൗരവമായി കാണുന്നുവെന്നും അറിയാം- അഭിഷേക് പറയുന്നു. ഞങ്ങളുടെ ജീവിതത്തിൽ മൂന്നാമതൊരാൾ ഇടപെടുന്നതും ഞങ്ങൾക്കിഷ്ടമില്ല. ഞാൻ എത്രത്തോളം ഐശ്വര്യയെ സ്നേഹിക്കുന്നുണ്ടെന്ന് ഐശ്വര്യയ്ക്കും ഐശ്വര്യ എത്രത്തോളം എന്നെ സ്നേഹിക്കുന്നുണ്ടെന്ന് എനിക്കും അറിയാം. തെറ്റായ വ്യാഖ്യാനവുമായി മുന്നോട്ടു പോകുന്നെങ്കിൽ അങ്ങനെ തന്നെ ആവാം". എല്ലാ സമയത്തും മാധ്യമങ്ങളെ സന്തോഷിപ്പിക്കാൻ തനിക്കാവില്ലെന്നും അഭിഷേക് പറയുന്നു. ഇപ്പോൾ ഉയർന്നിരിക്കുന്ന ആരോപണങ്ങലൊന്നും തനിക്ക് ഒരു പ്രശ്നമല്ലെന്നും അഭിഷേക് കൂട്ടിച്ചേർക്കുന്നു.