ടൊവിനോ ആദ്യമായി തമിഴില്‍ നായകനാകുന്ന ചിത്രത്തിന് ആശംസകളുമായി എത്തിയിരിക്കുകയാണ് തെന്നിന്ത്യയിലെ സൂപ്പര്‍ഹിറ്റ് സംവിധായകന്‍ ഏ ആര്‍ മുരുഗദോസ്. ധനുഷ് ആദ്യമായി മലയാളത്തിൽ നിർമ്മിക്കുന്ന ചിത്രമാണിത്.
അഭിയും അനുവും എന്ന പേരില്‍ തമിഴിലും അഭിയുടെ കഥ അനുവിന്റെയും എന്ന പേരില്‍ മലയാളത്തിലും സിനിമ റിലീസ് ചെയ്യും. ഛായാഗ്രാഹകനും സംവിധായകനുമായ സന്തോഷ് ശിവന്‍ ആണ് എക്‌സിക്യുട്ടീവ് പ്രൊഡ്യൂസര്‍. പ്രണയ പശ്ചാത്തലമുള്ള സിനിമയില്‍ പിയാ വാജ്‌പേയിയാണ് ടൊവിനോയുടെ നായിക. ഛായാഗ്രാഹക ബി ആര്‍ വിജയലക്ഷ്മി സംവിധായികയാകുന്ന ആദ്യ ചിത്രമാണ് അഭിയും അനുവും.
22 സിനിമകള്‍ പൂര്‍ത്തിയാക്കിയ ബി ആര്‍ വിജയലക്ഷ്മ ഏഷ്യയിലെ ആദ്യ വനിതാ ഛായാഗ്രാഹക ആണ്. സംഗീത് ശിവന്‍ മലയാളത്തില്‍ ഒരുക്കിയ ഡാഡി എന്ന സിനിമയുടെ തിരക്കഥാകൃത്തുമാണ് ബി ആര്‍ വിജയലക്ഷ്മി. കേരളത്തിലും ചെന്നൈയിലുമായാണ് സിനിമ ചിത്രീകരിച്ചത്. മുരുഗദോസ് തന്നെയാണ് സിനിമയുടെ ഫസ്റ്റ ലുക്ക് പുറത്തുവിട്ടത്. ആഷിക് അബു സംവിധാനം ചെയ്യുന്ന മായാനദി എന്ന സിനിമയും പൂര്‍ത്തിയാക്കിയതിന് പിന്നാലെ മറഡോണ എന്ന സിനിമയില്‍ അഭിനയിക്കുകയാണ് ഇപ്പോൾ ടൊവിനോ തോമസ്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
