അല്ലു നായകനാകുന്ന പുഷ്പ
സ്റ്റൈലിഷ് താരം അല്ലു അർജുൻ അല വൈകുണ്ഠപുരമുലു എന്ന സിനിമയ്ക്ക് ശേഷം അഭിനയിക്കുന്ന ചിത്രമാണിത്. അല്ലു അര്‍ജുന്‍റെ 37ാം ജന്മദിനത്തിലായിരുന്നു ചിത്രത്തിൻറെ ഫസ്റ്റ് ലുക് പോസ്റ്റർ പുറത്തിറക്കിയിരിക്കുന്നത്.
ഒപ്പം രശ്മികയും വിജയ് സേതുപതിയും
വേറിട്ട മേക്കോവറിലാണ് അല്ലു അർജുൻ ഫസ്റ്റ് ലുക്കിൽ എത്തിയിരുന്നത്. ലോറി ഡ്രൈവറുടെ വേഷത്തിൽ ആണ് അല്ലു അർജുൻ ചിത്രത്തിലെത്തുന്നത്. താടിയും മുടിയുമൊക്കെ വളർത്തിയ ലുക്ക് ഇതിനകം വൈറലാണ്. കന്നഡ താരം രശ്മികയാണ് ചിത്രത്തിൽ നായികയായെത്തുന്നത്. വിജയ് സേതുപതിയും പ്രധാനവേഷത്തിലെത്തുന്നതായി റിപ്പോര്‍ട്ടുണ്ട്.
150 കോടി ബജറ്റ്
മൈത്രി മൂവി മേക്കേഴ്സാണ് നിര്‍മ്മിക്കുന്ന ചിത്രം 150 കോടിയാണ് ബജറ്റ് ഇട്ടിരിക്കുന്നതെന്നാണ് റിപ്പോര്‍ട്ട്. ചിത്രത്തിൽ ആറ് മിനിറ്റുള്ള ഒരു ഫൈറ്റ് രംഗം ആറ് കോടി രൂപയ്ക്കാണ് ഒരുക്കുന്നതെന്ന റിപ്പോര്‍ട്ടാണ് ഇന്ന് പുറത്തുവന്നിരിക്കുന്നത്.
അല്ലുവും സുകുമാറും വീണ്ടും
തെലുങ്ക്, തമിഴ്, കന്നഡ, മലയാളം, ഹിന്ദി എന്നീ അഞ്ച് ഭാഷകളിൽ എത്തുന്ന ചിത്രം സംവിധാനം ചെയ്യുന്നത് സുകുമാര്‍ ആണ്. പീറ്റര്‍ ഹെയ്നാണ് സിനിമയുടെ ആക്ഷൻ ഡയറക്ടര്‍. ദേവി ശ്രീ പ്രസാദ് ആണ് സംഗീത സംവിധാനം.