ആന്റണി വര്ഗീസ് കേന്ദ്ര കഥാപാത്രമായി എത്തുന്ന പുതിയ ചിത്രം ഓ മേരി ലൈല ക്രിസ്മസ് റിലീസായി തിയേറ്ററുകളിലെത്തുന്നു. ചിത്രത്തിന്റെ പോസ്റ്റര് ഷെയര് ചെയ്താണ് അണിയറപ്രവര്ത്തകര് റിലീസ് തീയതി പുറത്തുവിട്ടത്. ഡിസംബര് 23 ന് ആണ് ചിത്രം തീയേറ്ററുകളില് എത്തുക. ചിത്രത്തിന്റേതായി ഇതുവരെ പുറത്തിറങ്ങിയ ടീസറും, രണ്ടു ഗാനങ്ങളും ഇതിനോടകം തന്നെ സാമൂഹിക മാധ്യമങ്ങളില് ശ്രദ്ധ നേടിക്കഴിഞ്ഞു. ഡോ.പോള്സ് എന്റര്ടെയ്ന്മെന്റിന്റെ ബാറനില് ഡോ. പോള് വര്ഗ്ഗീസാണ് ചിത്രം നിര്മിച്ചിരിക്കുന്നത്.
ശ്രീ ഗോകുലം മൂവീസ് ചിത്രം തീയേറ്ററുകളില് എത്തിക്കും. ലൈലാസുരന് എന്ന കോളേജ് വിദ്യാര്ത്ഥിയുടെ വേഷത്തിലാണ് ആന്റണി വര്ഗീസ് ചിത്രത്തിലെത്തുന്നത്. ആന്റണിയുടെ സഹപാഠിയായ അഭിഷേക് കെ.എസ് ആണ് ചിത്രത്തിന്റെ സംവിധാനം. നവാഗതനായ അനുരാജ് ഒ.ബിയുടേതാണ് കഥയും തിരക്കഥയും സംഭാഷണവും.
ആന്റണിക്കൊപ്പം സോന ഒലിക്കല്, നന്ദന രാജന്, ശബരീഷ് വര്മ്മ, അല്ത്താഫ് സലീം, ബാലചന്ദ്രന് ചുള്ളിക്കാട്, സെന്തില് കൃഷ്ണ, ശിവകാമി, ബ്രിറ്റൊ ഡേവിസ്, ശ്രീജ നായര് തുടങ്ങിയവരും നിരവധി പുതുമുഖങ്ങളും ചിത്രത്തില് അണിനിരക്കുന്നു. ബബ്ലു അജുവാണ് ഛായാഗ്രഹണം. എഡിറ്റര് കിരണ് ദാസ്, വിനായക് ശശികുമാര്, ശബരീഷ് വര്മ്മ എന്നിവരുടെ വരികള്ക്ക് ഈണം പകര്ന്നിരിക്കുന്നത് അങ്കിത്ത് മേനോന് ആണ്. പശ്ചാത്തലസംഗീതം സിദ്ധാര്ഥ പ്രദീപ്, പ്രൊഡക്ഷന് കണ്ട്രോളര് ജാവേദ് ചെമ്പ്, പി ആര് ഒ ശബരി.
Read Latest Movie News And Malayalam News
Also Watch: