ദിലീപിന്‍റെ സഹോദരൻ സംവിധായകനാകുന്ന ചിത്രം; 'തട്ടാശ്ശേരി കൂട്ടം' ടൈറ്റിൽ പോസ്റ്റർ

നടൻ ദിലീപിന്‍റെ സഹോദരൻ സംവിധായകനാകുന്ന ആദ്യ ചിത്രത്തിന്‍റെ ടൈറ്റിൽ പോസ്റ്റർ പുറത്തിറക്കി. നടൻ ദിലീപ് തന്നെയാണ് പോസ്റ്റർ സോഷ്യൽമീഡിയയിലൂടെ പുറത്തുവിട്ടിരിക്കുന്നത്. ഈ പുതു വർഷത്തിൽ ഗ്രാൻഡ് പ്രൊഡക്ഷൻസിന്‍റെ ബാനറിൽ അനുജൻ അനൂപ് ആദ്യമായി സംവിധാനം ചെയ്യുന്ന ചിത്രത്തിന്‍റെ പേര് പരിചയപ്പെടുത്തുന്നുവെന്ന് പറഞ്ഞാണ് ദിലീപ് പോസ്റ്റർ ഇറക്കിയിരിക്കുന്നത്. ദിലീപ് തന്നെയാണ് ചിത്രം നിർമ്മിക്കുന്നത്.

Also Read: ആവേശ തിരയിളക്കി സ്റ്റൈൽ മന്നൻ സൂപ്പർ സ്റ്റാർ രജിനിയുടെ ദർബാർ!; ആവേശത്തിലാറാടി ആരാധകരും!


ഇടപ്പള്ളി അഞ്ചുമന ക്ഷേത്രത്തിൽ വെച്ചായിരുന്നു ചിത്രത്തിന്‍റെ പൂജ നടന്നിരുന്നത്. മാസങ്ങള്‍ക്ക് മുമ്പ് ഈ ചിത്രത്തിനായുള്ള കാസ്റ്റിംഗ് കോൾ ദിലീപിന്‍റെ ഔദ്യോഗിക ഫേസ്ബുക് പേജ് വഴി പുറത്തിറക്കിയിരുന്നു. എഴുത്തുകാരനും തിരക്കഥാകൃത്തുമായ സന്തോഷ് എച്ചിക്കാനമാണ് ചിത്രത്തിനായി തിരക്കഥയൊരുക്കിയിരിക്കുന്നത്. അർജ്ജുൻ അശോകനാണ് ചിത്രത്തിൽ നായകനാകുന്നതെന്ന റിപ്പോർട്ടാണ് പുറത്തുവന്നിരിക്കുന്നത്.

Also Read: ഹൃദയത്തിൽ സുഷിരമുണ്ടായിരുന്നവർ ഇന്ന് എഞ്ചിനീയർ‍മാര്‍; പിന്നിൽ മമ്മൂട്ടി

നിവിൻ പോളി, അജു വർഗീസ് ഉൾപ്പെടെയുള്ള നവാഗതർക്ക് സിനിമയിൽ അവസരം ഒരുക്കിയത് ദിലീപിന്‍റെ ഗ്രാൻഡ് പ്രൊഡക്ഷൻസ് നിർമ്മിച്ച മലർവാടി ആർട്സ് ക്ലബ് വഴിയായിരുന്നു. ഞാൻ സ്റ്റീവ് ലോപസ്, അന്നയും റസൂലും, ചന്ദ്രേട്ടൻ എവിടെയാ, നിദ്ര തുടങ്ങിയ ചിത്രങ്ങൾക്ക് ശേഷം സന്തോഷ് എച്ചിക്കാനം തിരക്കഥയൊരുക്കുന്ന ചിത്രം കൂടിയാണിത്. ജിതിൻ സ്റ്റാൻസിലാവോസാണ് ഛായാഗ്രഹണം നിർവ്വഹിക്കുന്നത്.

Also Watch: