ഒട്ടനവധി ചലച്ചിത്ര മേളകളില് കൈയ്യടി നേടുകയും നിരൂപക പ്രശംസകളാല് ശ്രദ്ധേയമാകുകയും ചെയ്ത ചിത്രമാണ് മഹേഷ് നാരായണന്റെ 'അറിയിപ്പ്'. മഹേഷ് നാരായണന് രചന, എഡിറ്റിംഗ്, സംവിധാനം എന്നിവ നിര്വ്വഹിച്ച ചിത്രം ഇപ്പോള് ഒടിടി റിലീസായി പ്രേക്ഷകരിലേയ്ക്ക് എത്തുകയാണ്. ഡിസംബര് 16ന് നെറ്റ്ഫ്ലിക്സിലൂടെയാണ് അറിയിപ്പ് റിലീസ് ചെയ്യുന്നത്.
കുഞ്ചാക്കോ ബോബനും ദിവ്യ പ്രഭയും പ്രധാന വേഷങ്ങളില് എത്തിയ ചിത്രം ഒട്ടനവധി ചലച്ചിത്രോത്സവ വേദികളില് ഇതിനോടകം തന്നെ പ്രദര്ശിപ്പിച്ചിരുന്നു. ഷെബിന് ബാക്കര് പ്രൊഡക്ഷന്, കുഞ്ചാക്കോ ബോബന് പ്രൊഡക്ഷന്, മൂവിംഗ് നരെറ്റീവ്സ് എന്നിവര് ചേര്ന്ന് നിര്മ്മിക്കുന്ന ചിത്രം ദല്ഹിയില് താമസിക്കുന്ന മലയാളി ദമ്പതികളുടെ കഥയാണ് പറയുന്നത്. ഡല്ഹിയിലെ ഒരു മെഡിക്കല് ഗ്ലൗസ് ഫാക്ടറിയില് ജോലി ചെയ്യുന്ന ദമ്പതികളായാണ് കുഞ്ചാക്കോ ബോഹനും ദിവ്യ പ്രഭയും എത്തുന്നത്. മെച്ചപ്പെട്ട ജീവിതത്തിനായി രാജ്യത്തിന് പുറത്തേക്ക് കുടിയേറാന് ആഗ്രഹിക്കുന്ന ദമ്പതികള്ക്കിടയില് അപ്രതീക്ഷിതമായി എത്തുന്ന സംഭവ വികാസങ്ങള് ആണ് ചിത്രത്തിന്റെ കഥാഗതി.
'അറിയിപ്പിന്റെ യാത്ര തികച്ചും തൃപ്തികരമാണ്. ലോകമെമ്പാടുമുള്ള വിവിധ ചലച്ചിത്രമേളകളില് ചിത്രത്തിന് ലഭിച്ച പ്രതികരണത്തില് ഞാന് സന്തുഷ്ടനാണ്. നെറ്റ്ഫ്ലിക്സ് വഴി അവസാനം അത് നിങ്ങള്ക്ക് മുമ്പില് എത്തിക്കുവാന് സാധിച്ചിരിക്കുകയാണ്. ലോകമെമ്പാടുമുള്ള പ്രേക്ഷകര് സിനിമ കാണുന്നതിനും അതിനോടുള്ള അവരുടെ പ്രതികരണങ്ങള്ക്കുമായി ഞാന് കാത്തിരിക്കുകയാണ്. ഈ സിനിമ മഹാമാരിയെയും ഒരു ദമ്പതികളുടെ കഥയെയും അതിലൂടെ അതിജീവിക്കാനുള്ള അവരുടെ പോരാട്ടത്തെയും കുറിച്ചാണ്.' ചിത്രത്തെക്കുറിച്ച് സംവിധായകനും നിര്മ്മാതാവുമായ മഹേഷ് നാരായണന്റെ വാക്കുകള് ഇങ്ങനെയാണ്. ചിത്രത്തിന്റെ പിആര്ഒ ശബരി.
Read Latest Movie News And Malayalam News
Also Watch: