മൈക്കിളായി മമ്മൂട്ടി; ന്യൂ ഇയർ‍ സ്പെഷലായി 'ഭീഷ്മപർവ്വം' പുതിയ പോസ്റ്റർ

മമ്മൂട്ടിയെ നായകനാക്കി അമൽ നീരദ് 'ബിഗ് ബി'ക്ക് ശേഷം സംവിധാനം ചെയ്യുന്ന ചിത്രം 'ഭീഷ്മപർവ്വ'ത്തിലെ പുതിയ ക്യാരക്ടർ പോസ്റ്റർ പുറത്തിറങ്ങി. മമ്മൂട്ടി അവതരിപ്പിക്കുന്ന മൈക്കിൾ എന്ന കഥാപാത്രത്തിന്‍റേതാണ് പോസ്റ്റ‍ർ. ന്യൂഇയർ‍ സ്പെഷലായാണ് ഇത് പുറത്തിറങ്ങിയിരിക്കുന്നത്. കഴിഞ്ഞ ദിവസങ്ങളിൽ മറ്റ് കഥാപാത്രങ്ങളുടെ പോസ്റ്ററുകള്‍ പുറത്തുവിട്ടിരുന്നു.

Also Read: ഇത് പ്രശ്നമാണ്! ജോൺ കാറ്റാടിയായി മോഹൻലാൽ; ഈശോയായി പൃഥ്വിരാജ്; ‘ബ്രോ ഡാഡി’ ടീസർ

എന്‍പതുകളില്‍ ഫോര്‍ട്ട് കൊച്ചിയില്‍ വെച്ച് നടക്കുന്ന ഒരു ഗാങ്ങ്സ്റ്റര്‍ കഥയാണ് ചിത്രം പറയുന്നതെന്നാണ് സൂചന. മമ്മൂട്ടിക്ക് പുറമെ ചിത്രത്തില്‍ വമ്പന്‍ താരനിരയാണ് അഭിനയിക്കുന്നത്. തബു, സൗബിന്‍ ഷാഹിര്‍, ഷൈന്‍ ടോം ചാക്കോ, ഫര്‍ഹാന്‍ ഫാസില്‍, ശ്രീനാഥ് ഭാസി, ദിലീഷ് പോത്തന്‍, അബു സലിം, ലെന, ശ്രിന്‍ഡ, വീണ നന്ദകുമാര്‍, ഹരീഷ് പേരടി, അനസൂയ ഭരദ്വാജ്, നദിയ മൊയ്തു, മാല പാര്‍വ്വതി എന്നിവരാണ് ചിത്രത്തിലെ മറ്റ് താരങ്ങളായെത്തുന്നത്.

Also Read: നീ പ്ലാസ്റ്റിക് സർജറി ചെയ്തോ ഞങ്ങളറിഞ്ഞില്ലല്ലോ! കൂട്ടുകാര്‍ വിളിച്ച് ചോദിക്കുകയായിരുന്നു; പുതിയ മേക്കോവറിനെ കുറിച്ച് അനശ്വര രാജൻ

ആനന്ദ് സി ചന്ദ്രന്‍ ഛായാഗ്രഹണം നിര്‍വ്വഹിക്കുന്ന ചിത്രത്തിന്‍റെ സംഗീതം സുഷിന്‍ ശ്യാം ആണ് നിര്‍വ്വഹിച്ചിരിക്കുന്നത്. എഡിറ്റിംഗ് വിവേക് ഹര്‍ഷന്‍. അമല്‍ നീരദും ദേവ്ദത്ത് ഷാജിയും ചേര്‍ന്നാണ് ചിത്രത്തിന്‍റെ തിരക്കഥയൊരുക്കിയിരിക്കുന്നത്. ബിഗ് ബിയുടെ രണ്ടാം ഭാഗമായ ബിലാൽ എന്ന സിനിമയും മമ്മൂട്ടി അമൽ നീരദ് കൂട്ടുകെട്ടിൽ വരാനിരിക്കുന്നുണ്ട്.

Also Watch :