അമ്പരപ്പിക്കുന്ന രൂപമാറ്റം; വെെറലായി നിവിന്‍ പോളിയുടെ പടവെട്ട് ലുക്ക് !

നേരത്തെ മൂത്തോന് വേണ്ടിയും നിവിന്‍ പോളി ശരീരഭാരം കൂട്ടിയിരുന്നു. എന്നാല്‍ അതിനേക്കാള്‍ വണ്ണം കൂട്ടുന്നുണ്ട് പടവെട്ടിന് വേണ്ടി. പുതുമുഖം ലിജു കൃഷ്ണയാണ് ചിത്രം സംവിധാനം ചെയ്യുന്നത്. ലിജു തന്നെയാണ് തിരക്കഥയുമൊരുക്കുന്നത്.

നിവിന്‍ പോളിയുടെ ഇതുവരെ കാണാത്ത വേഷമായിരിക്കും പടവെട്ടിലേത്. രണ്ട് ഗെറ്റപ്പിലാണ് താരമെത്തുന്നത്. താരത്തിന്റെ വ്യത്യസ്തമായൊരു വശം കാണാനാകുമെന്നാണ് ലിജു കൃഷ്ണ പറയുന്നത്.

നടന്‍ സണ്ണി വെയ്നാണ് ചിത്രം നിര്‍മ്മിക്കുന്നത്. സണ്ണി വെയ്ന്‍ സംവിധാനം ചെയ്യുന്ന ആദ്യ ചിത്രമാണിത്. അരുവിയിലൂടെ ശ്രദ്ധ നേടിയ അതിഥി ബാലനാണ് ചിത്രത്തിലെ നായിക. അതിഥിയുടെ ആദ്യ മലയാള ചിത്രമാണ് പടവെട്ട്.

മറ്റൊരു പ്രധാന സവിശേഷത ചിത്രത്തില്‍ മഞ്ജു വാര്യരും പ്രധാനവേഷത്തിലെത്തുന്നു എന്നതാണ്. ഇതാദ്യമായാണ് മഞ്ജുവും നിവിനും ഒരുമിച്ച് അഭിനയിക്കുന്നത്. അതുകൊണ്ട് തന്നെ ആരാധകരുടെ പ്രതീക്ഷയും വാനോളം ഉയര്‍ന്നിരിക്കുകയാണ്.