'പ്രേമം കളക്ഷനില്‍ ദൃശ്യത്തിനും മുകളില്‍ പോകും'; അല്‍ഫോണ്‍സിന്റെ വാക്കുകള്‍ ഓര്‍ത്തെടുത്ത് നിവിന്‍ പോളി

'ആലുവയിലൊരു വീടെടുത്ത് അവിടെ വെച്ചാണ് പ്രേമത്തിന്റെ ചർച്ചകളെല്ലാം പുരോഗമിച്ചത്. ഏതാണ് മലയാളത്തിൽ ഏറ്റവും കൂടുതൽ കളക്‌ഷൻ നേടിയിട്ടുള്ള സിനിമയെന്ന അൽഫോൺസ് ചോദിച്ചു. അന്ന് ദൃശ്യമായിരുന്നു മുൻപന്തിയിൽ. ചോദ്യം കേട്ടിരുന്ന ഞങ്ങളെല്ലാവരും ഒന്നിച്ചുതന്നെ ദൃശ്യമെന്ന് എന്ന് ഉത്തരം പറഞ്ഞു. അപ്പോൾ അൽഫോൺസ് പറഞ്ഞത് നമ്മുടെ സിനിമ അതിനുമുകളിൽ പോകുമെന്നാണ്. അതുകേട്ട ഞാനുൾപ്പെടെയെല്ലാവരും അന്ന് മിഴിച്ചിരുന്നത് ഇന്നും ഓർമയിലുണ്ട്' നിവിന്‍ പറയുന്നു.

''കഥയും തിരക്കഥയും പൂർത്തിയാകുന്നതിനുമുമ്പ്‌, ആരൊക്കെ ഏതൊക്കെ വേഷത്തിലെത്തുമെന്ന് തീരുമാനിക്കുന്നതിനുമുമ്പാണ് അൽഫോൺസിന്റെ ഇത്തരത്തിലുള്ള ഡയലോഗ്. അൽഫോൺസ് അത് നിരന്തരം പറഞ്ഞുകൊണ്ടിരുന്നു. സ്ഥിരമായി കേട്ടുകേട്ട് ഞങ്ങളുടെ ഉള്ളിലും അതു കയറിക്കൂടി'' നിവിന്‍ പോളി പറഞ്ഞു.

വലിയ വിജയം നേടാൻപോകുന്ന സിനിമയുടെ ഭാഗമായാണ് പ്രവർത്തിക്കുന്നതെന്ന തോന്നൽ, ചിത്രീകരണം നടക്കുമ്പോൾത്തന്നെ ഉള്ളിലുറച്ചിരുന്നുവെന്നും നിവിന്‍ പോളി പറയുന്നു. ചിത്രം അല്‍ഫോണ്‍സ് പ്രതീക്ഷിച്ചത് പോലെ വളരെ വലിയ വിജയമായി മാറുകയും ചെയ്തു. ചിത്രത്തെ കുറിച്ച് വേറേയും രസകരമായ ഓര്‍മ്മകള്‍ നിവിന്‍ പങ്കുവച്ചു.

Also Read: എന്റെ പെണ്ണുകാണല്‍ അഞ്ച് കൊല്ലം മുമ്പത്തെ ഓര്‍മ്മകളുമായി മുക്ത

'എടാ അത് ഇത്രേള്ളൂ..,ഒരുത്തന്റെ ആദ്യ പ്രണയം അത്‌ പൊട്ടുന്നു.., കുറുച്ചുകഴിഞ്ഞ് വേറൊന്നു വരും അതും ശരിയാകുന്നില്ല.., അപ്പോൾ മൂന്നാമതൊരു പ്രേമംകൂടി. കഥകേട്ട് ഞങ്ങൾ മുഖത്തോടുമുഖം നോക്കി നല്ല വെറെറ്റി സബ്‌ജറ്റാണല്ലോയെന്ന് കണ്ണിറുക്കിചിരിച്ചുകൊണ്ട് പറയുകയും ചെയ്തു'' നിവിന്‍ കൂട്ടിച്ചേര്‍ത്തു.