'കെജിഎഫ്' സംവിധായകനൊപ്പം പ്രഭാസ്; ‘സലാർ’ പൂജയ്ക്ക് അതിഥിയായി റോക്കി ഭായ്

കെജിഎഫ് എന്ന ഒറ്റ ചിത്രത്തിലൂടെ ലോകം മുഴുവൻ ശ്രദ്ധ നേടിയ സംവിധായകനാണ് പ്രശാന്ത് നീൽ. അദ്ദേഹമൊരുക്കുന്ന അടുത്ത ചിത്രം 'സലാർ' പൂജ ചടങ്ങുകള്‍ ഇന്ന് ഹൈദരാബാദിൽ വെച്ച് നടന്നു. ഈ മാസം അവസാന വാരത്തോടെയാണ് സിനിമയുടെ ചിത്രീകരണം ആരംഭിക്കാനിരിക്കുന്നത്.

പൂജ ചടങ്ങിൽ മുഖ്യാതിഥികളായി കർണാടക ഉപമുഖ്യമന്ത്രി ഡോ. അശ്വത് നാരായണൻ സി.എൻ, ചലച്ചിത്ര നിർമ്മാതാവ് രാജമൗലി എസ്.എസ്, കെജിഎഫ് താരം യഷ് തുടങ്ങിയവരുള്‍പ്പെടെ നിരവധിപേരാണ് എത്തിയിരുന്നത്.

Also Read: അനാചാരങ്ങളെയും അന്ധവിശ്വാസങ്ങളെയും റോസ്‌റ്റ് ചെയ്തെടുക്കുന്ന മഹത്തായ അടുക്കള!

ഹോംബാലെ ഫിലിംസ്, പ്രശാന്ത് നീൽ എന്നിവര്‍ ഒന്നിച്ച കെജിഎഫ് തെന്നിന്ത്യയിൽ വൻ വിജയം നേടിയ ചിത്രമാണ്. ചിത്രത്തിന്‍റെ രണ്ടാം ഭാഗത്തിന്‍റെ ടീസറിന് ഇതിനകം യൂട്യൂബിൽ വൻ സ്വീകാര്യതയാണ് ലഭിച്ചിട്ടുള്ളത്.

150 മില്ല്യണിലേറെ കാഴ്ചക്കാരാണ് ഇതിനകം ടീസര്‍ കണ്ട് കഴിഞ്ഞിട്ടുള്ളത്. സലാറിൽ നടൻ മോഹൻലാൽ, നടി ദിഷ പഠാണി തുടങ്ങി നിരവധി താരങ്ങള്‍ ഒരുിക്കുന്നുവെന്നും സ്ഥിരീകരിക്കാത്ത വിവരങ്ങളുണ്ട്.

Also Read:'ആ അദൃശ്യ വ്യക്തിയെ വീഡിയോയിലൂടെ കൃത്യമായി കാണാം' വായിൽ വന്നത് കോതയ്ക്ക് പാട്ട് ആക്കാതിരിക്കൂ' രാമകൃഷ്ണന്റെ പ്രതികരണം!'