Also Read: അല്ലിയെവിടെ? പൃഥ്വിയുടെയും സുപ്രിയയുടെയും പുതിയ ചിത്രം കണ്ട് ആരാധകർ ചോദിക്കുന്നു!
വീണ്ടും കാക്കിയില്‍
ദിലീഷ് നായര്‍ ചിത്രം ടമാര്‍ പടാറിന് ശേഷം ഇതാദ്യമായാണ് പൃഥ്വിരാജ് പോലീസാകുന്നത്. തനു ബാലക്ക് ആണ് കോള്‍ഡ് കേസ് സംവിധാനം ചെയ്യുന്നത്. തിരുവനന്തപുരത്തേക്ക് ചിത്രത്തിന്റെ ഷൂട്ടിങ്ങിന് പുറപ്പെടുന്നുവെന്ന് കഴിഞ്ഞ ദിവസം പൃഥ്വിരാജ് സോഷ്യല്‍ മീഡിയയിലൂടെ അറിയിച്ചു.
നായികയായി അതിഥി
ചിത്രത്തിന്റെ ലൊക്കേഷനില്‍ നിന്നുമുള്ള ചിത്രങ്ങള്‍ പൃഥ്വിരാജും സോഷ്യല്‍ മീഡിയയില്‍ പങ്കുവച്ചിരുന്നു. എസിപി സത്യജിത്ത് എന്ന കഥാപാത്രമാണ് ചിത്രത്തില്‍ പൃഥ്വിരാജ് എത്തുന്നത്. അരുവി ഫെയിം അതിഥി ബാലനാണ് ചിത്രത്തിലെ നായിക. പടവെട്ടിലൂടെയാണ് അതിഥി മലയാളത്തിലേക്ക് എത്തുന്നത്.
യഥാർത്ഥ സംഭവം
യഥാര്‍ത്ഥ സംഭവത്തെ ആസ്പദമാക്കിയാണ് കോള്‍ഡ് കേസ് ഒരുക്കിയിരിക്കുന്നത്. ഗിരീഷ് ഗംഗാധരനും ജോമോന്‍ ടി ജോണുമാണ് ചിത്രത്തിന്റെ ഛായാഗ്രാഹകര്‍. ആന്റോ ജോസഫും ജോമോന്‍ ടി ജോണ്‍, ഷമീര്‍ മുഹമ്മദ് എന്നിവര്‍ ചേര്‍ന്നാണ് കോള്‍ഡ് കേസ് നിര്‍മ്മിക്കുന്നത്.
Also Read: മാലിദ്വീപില്‍ അവധി ആഘോഷിച്ച് ദിഷ; സോഷ്യല്‍ മീഡിയ ഇളക്കി മറിച്ച് ബിക്കിനി ചിത്രങ്ങള്‍!
കൊവിഡ് പ്രോട്ടോക്കോള്‍
പൃഥ്വിയുടെ രംഗങ്ങള്‍ മിക്കതും ഇന്‍ഡോറിലാണ് ചിത്രീകരിക്കുന്നത്. കൊവിഡ് പ്രോട്ടോക്കോള്‍ പാലിച്ചാണ് ചിത്രീകരണമെന്നും അണിയറ പ്രവര്‍ത്തകര്‍ വ്യക്തമാക്കുന്നു. ഛായാഗ്രാഹകനായ തനു ബാലക് ആദ്യമായാണ് സിനിമയുടെ സംവിധായകനാകുന്നത്.