പ്രേമം, നിവിന് പോളിയുടെ കരിയറിലെ മാത്രമല്ല മലയാള സിനിമയുടെ ചരിത്രത്തില് തന്നെ അടയാളപ്പെടുത്തപ്പെട്ട സിനിമയാണ്. ചിത്രത്തിലെ സീനുകളും പാട്ടുകളും ഫ്രെയിമുകള് പോലും സിനിമാപ്രേമികള്ക്ക് ആവേശമാണ്. ഇപ്പോഴിതാ ചിത്രത്തെ കുറിച്ച് അധികമാര്ക്കും അറിയാത്ത വിവരം പങ്കുവച്ചിരിക്കുകയാണ് ചിത്രത്തിലെ പ്രധാന കഥാപാത്രങ്ങളിലൊന്നിനെ അവതരിപ്പിച്ച ശബരീഷ് വര്മ്മ.
നടി സേതുലക്ഷ്മിയും ചിത്രത്തിലൊരു വേഷം അവതരിപ്പിച്ചിട്ടുണ്ടെന്നാണ് ശബരീഷ് പറയുന്നത്. എന്നാല് ആ കഥാപാത്രം സിനിമയില് ഇല്ല. ഒരു അഭിമുഖത്തിലായിരുന്നു ശബരീഷ് വെളിപ്പെടുത്തല് നടത്തിയത്. എന്താണ് സംഭവിച്ചതെന്ന് ശബരീഷ് പറയുന്നത് ഇങ്ങനെയാണ്,
സേതുലക്ഷ്മി ചേച്ചി എവിടെ കണ്ടാലും പറയും, ചേച്ചി പ്രേമത്തില് അഭിനയിച്ചിട്ടുണ്ട്. പക്ഷെ ചേച്ചിയെ ആരും സിനിമയില് കണ്ടിട്ടില്ല. ഇതൊരു തിക്താനുഭവമായി പല സ്ഥലത്തും ചേച്ചി തന്നോട് പറയാറുണ്ടെന്നും ശബരീഷ് പറഞ്ഞു. കോളേജിലെ ഒരു പ്രധാന കഥാപാത്രത്തെയാണ് ചേച്ചി അവതരിപ്പിച്ചത്. പക്ഷെ അത് എഡിറ്റിങ് സമയത്ത് കളയേണ്ടി വന്നു. അത് ചേച്ചിയുടെ അഭിനയം മോശമായത് കൊണ്ടല്ല. തിരക്കഥ ഡെെവേര്ട്ട് ആയി പോകുന്നത് കൊണ്ടാണ് ശബരീഷ് വ്യക്തമാക്കി.
''പ്രേമം വലിയ ഹിറ്റായപ്പോള് ചേച്ചി എല്ലാവരോടും പറഞ്ഞു ഞാനും അഭിനയിച്ച സിനിമയാണ്, കണ്ടിട്ട് എങ്ങനുണ്ടെന്ന് പറയണമെന്ന്. പക്ഷെ എല്ലാരും പറഞ്ഞു അതിന് ഞങ്ങളാരും ചേച്ചിയെ കണ്ടില്ലല്ലോ എന്ന്. ഭയങ്കര വിഷമത്തോടെ ചേച്ചി അത് പറയാറുണ്ട്. ഇനി വിളിച്ചാല് വരില്ലാന്ന് തമാശയായി ഇപ്പോഴും പറയും. പ്രേമത്തില് അഭിനയിച്ചിട്ട് പുറത്തറിയാതെ പോയെ ഒരേയൊരാളാണ് സേതുലക്ഷ്മി ചേച്ചി'', ശബരീഷ് കൂട്ടിച്ചേര്ത്തു.
Also Read: ആദ്യകാല ചലച്ചിത്രനടി ജമീല മാലിക് ഓർമ്മയായി
അതേസമയം, ജെനിത് കാച്ചപ്പിള്ളി സംവിധാനം ചെയ്യുന്ന മറിയം വന്നു വിളക്കൂതി എന്ന ചിത്രത്തില് ശബരീഷും സേതുലക്ഷ്മിയും അഭിനയിക്കുന്നുണ്ട്. ചിത്രത്തിന്റെ ടീസറും പ്രൊമോ വീഡിയോകളുമൊക്കെ ആരാധകരുടെ ശ്രദ്ധ നേടിക്കഴിഞ്ഞിട്ടുണ്ട്. സിജു വില്സണ്, കൃഷ്ണ ശങ്കര്, അല്ത്താഫ് സലിം എന്നിവരും ചിത്രത്തിലുണ്ട്.