കേരളത്തിലെ പോലെ മണ്ടന്മാരായ വോട്ടര്‍മാര്‍ വേറെയില്ല: ശ്രീനിവാസൻ

കേരളത്തിലേ പോലെ മണ്ടന്മാരായ വോട്ടര്‍മാര്‍ ലോകത്ത് വേറൊരിടത്തും കാണില്ലെന്ന് നടനും സംവിധായകനുമായ ശ്രീനിവാസൻ. ഇടത് വലത് മുന്നണികള്‍ അഞ്ചുവര്‍ഷം ഭരിക്കുമ്പോള്‍ ആവശ്യമുള്ളത് കട്ടെടുത്ത് സമ്പാദിച്ചു വയ്ക്കും, പിന്നെ വിശ്രമം

സമൂഹത്തില്‍ അരങ്ങേറിക്കൊണ്ടിരിക്കുന്ന കൊള്ളരുതായ്മകളെ തിരുത്താന്‍ ബുദ്ധിമുട്ടാണെന്നും ഗാന്ധിജി പറഞ്ഞിട്ടു കേള്‍ക്കാത്ത നമ്മളാണോ സിനിമ കണ്ടാലുടന്‍ നന്നാകാന്‍ പോകുന്നതെന്നും ശ്രീനിവാസന്‍ ചോദിച്ചു. ഒരു അഭിമുഖത്തില്‍ സംസാരിക്കവെയാണ് ശ്രീനിവാസന്‍ ഇക്കാര്യങ്ങള്‍ പറഞ്ഞത്.

ഗാന്ധിജി പറഞ്ഞിട്ട് കേള്‍ക്കാത്തവരാണ് നമ്മള്‍. അങ്ങനെയുള്ള ജനങ്ങള്‍ ഒരു സിനിമ കണ്ടാലുടന്‍ നല്ലവരാകും എന്നൊന്നും നമുക്ക് പറയാന്‍ പറ്റില്ല. പിന്നെ ചിലരുടെ ചില തീരുമാനങ്ങളെ സ്വാധീനിക്കാന്‍ സാധിക്കും. കേരളത്തിലെ വോട്ടര്‍മാര്‍ പ്രബുദ്ധരാണെന്നു പറയുമെങ്കിലും ഇത്രയും മണ്ടന്മാരായ വോട്ടര്‍മാര്‍ ലോകത്തു വേറെ കാണില്ല. ആദ്യ തെരഞ്ഞെടുപ്പു മുതല്‍ അത് പ്രകടമാണ്. അദ്ദേഹം കൂട്ടിച്ചേർത്തു.