സൂപ്പര്‍ ഹീറോ ആകാൻ ഒരുങ്ങി ടൊവീനോ തോമസ്

സൂപ്പര്‍ ഹീറോകളുടെ വൻ ആരാധകരാണ് മലയാളി യുവ ആരാധകരായ ടൊവിനോ തോമസും ഉണ്ണിമുകുന്ദനും. ഇത് മലയാളി പ്രേക്ഷകർക്കെല്ലാം അറിയാവുന്നതുമാണ്. പലവട്ടം വിവിധ അഭിമുഖങ്ങളിലായി താരങ്ങൾ ഇക്കാര്യം പറഞ്ഞിട്ടുമുണ്ട്. താരങ്ങൾ ഇത് വെളിവാക്കുന്ന ചിത്രങ്ങളും വീഡിയോകളും സോഷ്യൽ മീഡിയകളിൽ പങ്കുവെക്കാറുമുണ്ട്.

തൻ്റെ ആരാധനാ കഥാപാത്രത്തിന് സമാനമായൊരു കഥാപാത്രത്തെ സ്ക്രീനിൽ അവതരിപ്പിക്കാനൊരുങ്ങുകയാണ് അവരിലൊരാളായ ടൊവിനോ തോമസ്. വീക്കെന്‍ഡ് ബ്ലോക് ബസ്റ്റേഴ്സ് ഒരുക്കുന്ന ബ്രഹ്മാണ്ഡചിത്രമാകും ഇതെന്നും റിപ്പോര്‍ട്ടുകളുണ്ട്.

പടയോട്ടത്തിന് ശേഷം സോഫിയ പോളിൻ്റെ വീക്കെന്‍ഡ് ബ്ലോക് ബസ്റ്റേഴ്സ് ഒരുക്കുന്ന ചിത്രമാണിത്. മലയാളത്തിലെ ആദ്യ മുഴുനീള സൂപ്പര്‍ ഹീറോ ചിത്രമാണിത്. വന്‍ ബജറ്റിലാണ് ചിത്രം ഒരുങ്ങുന്നതെന്നാണ് റിപ്പോര്‍ട്ടുകൾ സൂചിപ്പിക്കുന്നത്.

ചിത്രത്തിൻ്റെ ഔദ്യോഗിക പ്രഖ്യാപനം ഈ വരുന്ന ക്രിസ്മസ് ആഘോഷങ്ങളുടെ ഭാഗമായി ഉണ്ടായേക്കും. ചിത്രത്തിൻ്റെ അണിയറ പ്രവര്‍ത്തനങ്ങള്‍ പുരോഗമിക്കുകയാണ്. ബാംഗ്ലൂര്‍ ഡെയ്സ്, മുന്തിരി വള്ളികള്‍ തളിര്‍ക്കുമ്പോള്‍, പടയോട്ടം എന്നീ ചിത്രങ്ങളാണ് വീക്കെന്‍ഡ് ബ്ലോക് ബസ്റ്റേഴ്സ് മുൻപ് ഒരുക്കിയിട്ടുള്ളത്.

ചിത്രം: ഇൻസ്റ്റാഗ്രാം