നടന്‍ വിക്രമിന്‍റെ മകള്‍ വിവാഹിതയാകുന്നു

ചെന്നൈ: ചെന്നൈക്കാര്‍ക്ക് ആഘോഷിക്കാന്‍ ഇതാ മറ്റൊരു താരവിവാഹം കൂടി. ചിയാന്‍ വിക്രമിന്‍റെ മകള്‍ അക്ഷിത വിവാഹിതയാകുന്നു. സി.കെ ബേക്കറി ശൃംഖലയുടെ ഉടമസ്ഥരായ സി.കെ കുടുംബത്തിലെ മനു രഞ്ജിത്ത് ആണ് വരന്‍.

ജൂലായ് 10ന് നഗരത്തിലെ ഒരു സ്റ്റാര്‍ ഹോട്ടലില്‍ വച്ച് നടത്താനിരിക്കുന്ന വിവാഹനിശ്ചയത്തിന്‍റ ഒരുക്കത്തിലാണ് ഇപ്പോള്‍ വിക്രമിന്‍റെ കുടുംബം. വിവാഹം 2017ലായിരിക്കുമെന്നാണ് കുടുംബവുമായി അടുത്ത വൃത്തങ്ങള്‍ നല്‍കുന്ന സൂചന.

ജൂലായില്‍ നടക്കാനിരിക്കുന്ന വിവാഹനിശ്ചയം തികച്ചും സ്വകാര്യമായ ചടങ്ങായിരിക്കും. വിക്രമിന്‍റെ മകനായ ധ്രുവ് വെള്ളിത്തിരയില്‍ നായകനായി രംഗപ്രവേശം നടത്താന്‍ ഇരിക്കുകയാണ്. നയന്‍താരയും നിത്യാ മേനോനും അഭിനയിക്കുന്ന ഇരു മുരുകന്‍ എന്ന ചിത്രത്തിന്‍റെ പണിപ്പുരയിലാണ് ഇപ്പോള്‍ വിക്രം.