'തേന്മാവിൻ കൊമ്പത്തി'ലെ നടി സി.പി ഖദീജ അന്തരിച്ചു

'തേന്മാവിൻ കൊമ്പത്തി'ലെ നടി സി.പി ഖദീജ (77) അന്തരിച്ചു. ​ ബുധനാഴ്ച്ച രാത്രി 9.15-ഓടെ കൊച്ചി വടുതലയിലെ വീട്ടിലായിരുന്നു അന്ത്യം സംഭവിച്ചത്. ശ്വാസകോസത്തില്‍ അര്‍ബുദം ബാധിച്ചതിനെത്തുടര്‍ന്ന് ഇരുപത്തിയഞ്ച് ദിവസത്തോളമായി എറണാകുളത്തെ സ്വകാര്യ ചികിത്സയിലായിരുന്നു. രോഗം തിരിച്ചറിയാന്‍ താമസിച്ചിരുന്നു. ജൂലൈ 3ന് ആണ് ആശുപത്രിയില്‍ ചികിത്സയില്‍ പ്രവേശിപ്പിച്ചത്. 'തേന്മാവിൻ കൊമ്പത്തി'ലെ പ്രായമായ സ്ത്രീയുടെ വേഷമാണ് പ്രശസ്തമായത്. 1968-ൽ സിനിമയിലെത്തിയ ഇവർ ' 50-ഓളം സിനിമകളിൽ അഭിനയിച്ചിട്ടുണ്ട്. ഭാര്യ, കുടുംബവിശേഷം, ജീസസ്, അമ്മ, സ്വർണ്ണമത്സ്യം തുടങ്ങിയ സിനിമകളിലെ വേഷം ശ്രദ്ധേയമാണ്. സത്യഭാമയ്ക്കൊരു പ്രണയലേഖനം എന്ന ചിത്രമാണ് അവസാനമായി അഭിനയിച്ചത്. തിക്കുറിശ്ശിക്കുമൊപ്പം ഇച്ചിക്കാവ് എന്ന ശ്രദ്ധേയവേഷം കൈകാര്യം ചെയ്തിട്ടുണ്ട്. അസുരവിത്ത്(1968), വെളുത്ത കത്രീന(1968), തുലാഭാരം(1968),വിലക്കപ്പെട്ട ബന്ധങ്ങള്‍(1969), കണ്ണൂര്‍ ഡീലക്‌സ്(1969),കണ്ടവരുണ്ടോ(1972) തുടങ്ങിയവ പ്രധാന ചിത്രങ്ങളാണ്.


പെരുമ്പാവൂര്‍ ചിറ്റേത്തുപടി പരേതരായ മൊയ്തീന്റെയും പാത്തായിയുടെയും ആറ് മക്കളില്‍ ഒരാളാണ്. പരേതനായ കെ.വി. മാത്യു ആണ് ഭര്‍ത്താവ്. എറണാകുളം ചിന്മയ സ്‌കൂളിന് സമീപം വടുതല സ്വാഗതം റോഡിലെ വീട്ടിലായിരുന്നു(കട്ടപ്പുറം) അന്ത്യം. മൃതദേഹം ഇപ്പോള്‍ എറണാകുളം ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്.

മക്കള്‍ : പരേതനായ വിന്നി, ലീന, സോണി, ടെഡി, സ്‌റ്റെന്‍സി, പരേതയായ സോഫി.
മരുമക്കള്‍ : ഷജിനി, ജെയിംസ്, വിന്‍സെന്റ്, രാഖി, പ്രിയ, നോയല്‍

actress c p khadeeja died

actress c p khadeeja passes away.