അന്ന ബെന്നിന്‍റ 'ഹെലന്‍' ബോളിവുഡിലേക്ക്; നായികയാകാൻ ജാൻവി

അന്ന ബെന്‍ നായികയായി എത്തിയ ‘ഹെലന്‍’ മലയാളത്തിൽ പുറത്തിറങ്ങിയതിൽ വച്ച് ഏറ്റവും മികച്ച സര്‍വൈവല്‍ ത്രില്ലറായാണ് സിനിമാ പ്രേക്ഷകരും നിരൂപകരും ഒരുപോലെ അഭിപ്രായപ്പെട്ടിരുന്നത്. 2019ൽ പുറത്തിറങ്ങിയ ചിത്രം മികച്ച പ്രതികരണം നേടിയിരുന്നു. ചിത്രം തമിഴിലും കന്നഡയിലുമൊക്കെ റീമേക്ക് ചെയ്യുന്നതായി മുമ്പ് വാര്‍ത്തകളും പുറത്തുവന്നിരുന്നു. ഇപ്പോഴിതാ ചിത്രം ബോളിവുഡിലേക്ക് റീമേക്ക് ചെയ്യാൻ ഒരുങ്ങുന്നതായാണ് പുതിയ വാര്‍ത്ത.

ധടക് എന്ന സിനിമയിലൂടെയാണ് ബോണി കപൂര്‍-ശ്രീദേവി ദമ്പതികളുടെ മകളായ ജാൻവി കപൂര്‍ ബോളിവുഡിൽ അരങ്ങേറിയത്. ബോണി കപൂര്‍ ഹെലൻ സിനിമയുടെ ഹിന്ദി റീമേക്ക് അവകാശം വാങ്ങിയതായി പിങ്ക് വില്ല ഓൺലൈൻ റിപ്പോര്‍ട്ട് ചെയ്തിരിക്കുകയാണ്. ജാൻവിയായിരിക്കും പ്രധാനവേഷത്തിലെത്തുന്നതെന്നും ഇവരുടെ റിപ്പോര്‍ട്ടിലുണ്ട്.

Also Read: ത്രില്ലടിപ്പിക്കുന്ന രാത്രികളിലെ ഇൻവസ്റ്റിഗേഷൻ: 'രാത് അകേലി ഹെ'

ബോണി കപൂറും സീ സ്റ്റുഡിയോസും സംയുക്തമായിട്ടായിരിക്കും ചിത്രം പുറത്തിറക്കുന്നതെന്നും അടുത്ത വര്‍ഷം ആദ്യമായിരിക്കും ചിത്രം തുടങ്ങുന്നതെന്നുമാണ് റിപ്പോര്‍ട്ടിൽ വ്യക്തമാക്കിയിട്ടുള്ളത്. ബോംബെ ഗേള്‍ എന്നൊരു സിനിമയും ബോണി കപൂര്‍ മുമ്പ് പ്രഖ്യാപിച്ചിട്ടുണ്ട്. ജാൻവി കപൂർ പ്രധാനവേഷത്തിലെത്തുന്ന 'ഗുൻജൻ സക്‌സേന: ദി കാർഗിൽ ഗേൾ' എന്ന ചിത്രം ഓൺലൈൻ റിലീസിന് തയ്യാറെടുക്കുകയുമാണ്.

വൻ വിജയമായ ‘കുമ്പളങ്ങി നൈറ്റ്‌സി’ന് ശേഷം അന്ന ബെന്‍ കേന്ദ്ര കഥാപാത്രമായെത്തിയ ഹെലൻ ഏറെ പ്രശംസകള്‍ നേടിയിരിുന്നു. നവാഗതനായ മാത്തുക്കുട്ടി സേവ്യര്‍ സംവിധാനം ചെയ്ത ‘ഹെലന്‍’ നിര്‍മ്മിച്ചിരുന്നത് നടനും സംവിധായകനും ഗായകനുമായ വിനീത് ശ്രീനിവാസനായിരുന്നു.

Also Watch :