പെൻഗ്വിൻ എത്തുന്നു
കൊവിഡ് ഭീതി വിതച്ചതോടെ തീയേറ്ററുകൾ അടച്ചു പൂട്ടിയ സാഹചര്യം എത്തിയതോടെയാണ് നഷ്ടം നികത്താനുള്ള പോംവഴികളെ കുറിച്ച് നിർമ്മാതാക്കൾ ചിന്തിച്ച് തുടങ്ങുകയും അത് ഡിജിറ്റൽ റിലീസിലേക്ക് വഴിയൊരുക്കുകയും ചെയ്തത്.
Also Read: നിങ്ങളുടെ നാളെകളെ സന്തോഷഭരിതമാക്കൂ; പരിസ്ഥിതിദിനത്തിൽ പ്ലാൻ്റ്സ്റ്റാഗ്രാമുമായി കീർത്തി സുരേഷ്!
കീർത്തി സുരേഷ്
അങ്ങനെയാണ് പൊൻമകൾ വന്താൽ പ്രേക്ഷകരിലേക്കെത്തിയത്. അതിന് പിന്നാലെ കീർത്തി സുരേഷ് നായികയാകുന്ന പെൻഗ്വിനും പ്രേക്ഷകരിലേക്കെത്താനൊരുങ്ങുകയാണ്. ചിത്രവുമായി ബന്ധപ്പെട്ട പുതിയ വിശേഷമാണ് കീർത്തി പങ്കുവെച്ചിരിക്കുന്നത്.
Also Read: ഇസയ്ക്ക് ഒരു കൂടപിറപ്പ്! ടൊവിയ്ക്കും ലിഡിയയ്ക്കും ആൺകുഞ്ഞ്
ജൂൺ എട്ടിന് ടീസറെത്തും
ഏറെ കാത്തിരിക്കുന്ന സൈക്കോളജിക്കല്‍ ത്രില്ലര്‍ പെന്‍ഗ്വിന്റെ ടീസർ ഈ മാസം എട്ടിന് ആമസോണ്‍ പ്രൈം വിഡിയോയിലൂടെ പുറത്ത് വിടും. ആമസോൺ പ്രൈമിലൂടെയാണ് സിനിമയും പ്രേക്ഷകരിലേക്കെത്തുന്നത്. സംവിധായകൻ കാര്‍ത്തിക് സുബ്ബരാജും സ്റ്റോണ്‍ ബെഞ്ച് ഫിലിംസും പാഷൻ സ്റ്റുഡിയോസും ചേര്‍ന്നാണ് ചിത്രം നിര്‍മിക്കുന്നത്.
Also Read: മകൾ കുതിര സവാരി പഠിക്കുകയാണ്; അഭിമാന നിമിഷമെന്ന് സണ്ണി
ജൂൺ 19ന് റിലീസ്
ഒടുവിൽ പുറത്ത് വിട്ട നിഗൂഢ സുന്ദരമായ പോസ്റ്റര്‍ പ്രേക്ഷകരിൽ ആകാംക്ഷ ഉണര്‍ത്തിയിരിക്കുകയാണ്. ജൂൺ 19ന് ആമസോണ്‍ പ്രൈം വീഡിയോയിലൂടെ ചിത്രം റിലീസ് ചെയ്യും. തമിഴിലും തെലുങ്കിലും പുറത്തിറങ്ങുന്ന ചിത്രം മലയാളത്തിൽ മൊഴി മാറ്റിയും റിലീസ് ചെയ്യും
ചിത്രത്തിൽ കീർത്തി ഗർഭിണിയുടെ ഗെറ്റപ്പിലും
മദംപട്ടി രംഗരാജ്, ലിംഗ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിൽ ഗർഭിണിയായാണ് കീർത്തി സുരേഷ് പ്രത്യക്ഷപ്പെടുന്നതെന്ന് നേരത്തേ പുറത്ത് വിട്ട പോസ്റ്ററിൽ നിന്ന് വ്യക്തമായിരുന്നു.
Also Read:തെന്നിന്ത്യയുടെ സ്വന്തം താര റാണി; ഭാവനയ്ക്ക് ഇന്ന് 34-ാം പിറന്നാൾ
അണിയറയിലും പ്രഗത്ഭർ
സന്തോഷ് നാരായണനാണ് ചിത്രത്തിലെ ഗാനങ്ങൾക്ക് സംഗീതം പകരുന്നത്. അതേസമയം ചിത്രത്തിനായി ഛായാഗ്രഹണം നിർവ്വഹിക്കുന്നത് കാര്‍ത്തിക് പളനിയാണ്. അനില്‍ കൃഷ് ആണ് ചിത്രത്തിനായി എഡിറ്റിംഗ് നിർവ്വഹിക്കുന്നത്.
Also Read: സരിതയെ നെഞ്ചോട് ചേർത്ത് മാധവൻ; നല്ലപാതിയ്ക്ക് ഹൃദയംകൊണ്ടൊരു ആശംസ നൽകി പ്രിയതാരം!
ആകാംക്ഷയിൽ ആരാധകരും
മഹാനടി എന്ന ചിത്രത്തിലെ മികച്ച അഭിനയത്തിന് ദേശീയ പുരസ്‌കാരം കരസ്ഥമാക്കിയ ശേഷം കീര്‍ത്തി സുരേഷിൻ്റേതായി പുറത്തിറങ്ങാനൊരുങ്ങുന്നതും കോളിവുഡും ടോളിവുഡും മോളിവുഡും ഒരു പോലെ കാത്തിരിക്കുന്ന ചിത്രവുമാണ് പെന്‍ഗ്വിന്‍. ചിത്രം രചിച്ച് സംവിധാനം ചെയ്തിരിക്കുന്നത് കാര്‍ത്തിക് ഈശ്വര്‍ ആണ്.
Also Read: അഫ്രിക്കയിൽ കുടുങ്ങിയ 'ജിബൂട്ടി' സംഘം നാട്ടിൽ തിരിച്ചെത്തി