ഫഹദ് നഷ്ടപ്പെടരുതെന്ന് ആഗ്രഹിച്ചു; നസ്റിയ

ഫഹദ് ഫാസിലിനെ നഷ്ടപ്പെടുത്താൻ കഴിയാതിരുന്നതുകൊണ്ടാണ് പത്തൊമ്പതാം വയസിൽ വിവാഹിതയായതെന്നു നസ്റിയ. തനിക്ക് ജീവിതത്തിൽ ഇതിനേക്കാൾ നല്ലൊരു പങ്കാളിയെക്കിട്ടില്ലെന്നു തോന്നി. ഇരുപത്താറു വയസാകുമ്പോൾ വിവാഹം ചെയ്യാമെന്നായിരുന്നു താൻ കരുതിയിരുന്നതെന്ന് നടി പറഞ്ഞു.

പന്ത്രണ്ടു വയസു മൂത്ത ഫഹദിനെ എന്തുകൊണ്ടു വിവാഹം ചെയ്തെന്ന ഒരു സിനിമാ പ്രസിദ്ധീകരണത്തിന്റെ ചോദ്യത്തോടു പ്രതികരിക്കുകയായിരുന്നു നസ്റിയ.

ഫഹദിനെ വിട്ടുകളയാനാകില്ലായിരുന്നുവെന്നും നസ്റിയ പറഞ്ഞു. സിനിമയിൽ നല്ല തിരക്കുള്ള താരമായിരുന്നപ്പോഴാണ് പിന്നീട് 2014 ഓഗസ്റ്റ് 21ന് നസ്റിയ- ഫഹദ് താരവിവാഹം.