Priya Prakash Varrier പ്രിയയുടെ ശ്രീദേവി ബംഗ്ലാവിന് ഡിസ് ലൈക്ക് പ്രവാഹം

പ്രിയാവാര്യരുടെ ആദ്യ ബോളിവുഡ് ചിത്രം ശ്രീദേവി ബംഗ്ലാവിന് ഡിസ് ലൈക്കുകളുടെ പ്രവാഹം. തമിഴിലും ഹിന്ദിയിലും പുറത്തിറങ്ങുന്ന ചിത്രത്തിൻ്റെ തിരക്കഥയും സംവിധാനവും പ്രശാന്ത് മാമ്പുള്ളിയാണ്. പൂ‍ർണ്ണമായും ലണ്ടനിലാണ് ചിത്രീകരണം നടന്നിട്ടുള്ളത്. നടി ശ്രീദേവിയുടെ മരണത്തിന് സാദൃശ്യമുള്ളതുപോലെയാണ് ട്രെയിലറിലെ അവസാന സീനുകൾ. കേന്ദ്ര കഥാപാത്രമായ ശ്രീദേവിയായാണ് പ്രിയാ വാര്യ‍ർ എത്തുന്നത്. ട്രെയിലറിൽ മുഴുവൻ താരം തന്നെയാണ്.
കൂടുതൽ കാഴ്ചക്കാരെത്തി എന്നപോലെ ട്രെയിലറിന് ട്രോളുകളും, ഡിസ് ലൈക്കുകളും പ്രവഹിക്കുകയാണ്. ട്രെയിലറിന് ഡിസ്‌ലൈക്കുകള്‍ വന്നുകൊണ്ടേയിരിക്കുകയാണ്. നാലായിരത്തോലം ലൈക്കുകളും 17000ത്തോലം ഡിസ് ലൈക്കുകളുമാണ് ലഭിച്ചിരിക്കുന്നത്. എന്നാൽ ആദ്യ ചിത്രം റിലീസാകുന്നതിന് മുമ്പേ ഉയരങ്ങളിൽ എത്തിയ പ്രിയയെ അഭിനന്ദിക്കാനും ചില‍ർ മറക്കുന്നില്ല.