ദുൽഖർ സൽമാനും മൃണാൽ ഠാക്കൂറിനുമൊപ്പം രശ്മിക മന്ദാന അഭിനയിച്ചിരിക്കുന്ന പുതിയ സിനിമയുടെ വീഡിയോയും പോസ്റ്ററും പുറത്തിറങ്ങി. വീഡിയോയിലും പോസ്റ്ററിലും രശ്മിക അവതരിപ്പിക്കുന്ന അഫ്രീൻ എന്ന 'വിപ്ലവകാരി' പെൺകുട്ടിയെയാണ് കാണിക്കുന്നത്. ഹിജാബ് ധരിച്ച്, ലഹളക്കിടയിൽ കത്തുന്ന കാറിന് സമീപം രൗദ്രഭാവത്തിൽ നിൽക്കുന്ന രശ്മികയാണ് പോസ്റ്ററിലും വീഡിയോയിലും ഉള്ളത്. അടുത്തിടെ തീയേറ്ററുകളിൽ സൂപ്പര്‍ ഹിറ്റായ അല്ലു അര്‍ജുൻ ചിത്രം 'പുഷ്പ - ദി റൈസി'ൽ ശ്രീവല്ലിയെന്ന വേഷത്തിലെത്തിയ താരം തികച്ചും വ്യത്യസ്ത മേക്കോവറിലാണ് പുതിയ ചിത്രത്തിൽ. ആരാധകര്‍ തങ്ങളുടെ പ്രിയ താരത്തിന്‍റെ പുതിയ ലുക്ക് ഏറ്റെടുത്തിരിക്കുകയാണ്.
സ്വപ്‌ന സിനിമ നിർമ്മിച്ച് വിജയന്തി മൂവീസ് അവതരിപ്പിക്കുന്ന ഈ ചിത്രത്തിന് പ്രൊഡക്ഷൻ നമ്പർ 7 എന്നാണ് താൽക്കാലികമായി പേരിട്ടിരിക്കുന്നത്. അശ്വിൻ ദത്ത് ആണ് നിർമാതാവ്. ഹനു രാഘവപുടി സംവിധാനം. വൈകാരിക പശ്ചാത്തലമുള്ളൊരു പ്രണയമാണ് സിനിമയുടെ പ്രമേയമെന്ന് അണിയറപ്രവർത്തകർ പറയുന്നു.
വിശാൽ ചന്ദ്രശേഖർ സംഗീതവും പി എസ് വിനോദ് ഛായാഗ്രഹണവും വൈഷ്ണവി റെഡ്ഡി കലാസംവിധാനവും സുനിൽ ബാബു പ്രൊഡക്ഷൻ ഡിസൈനും ശീതൾ ശർമ്മ വസ്ത്രാലങ്കാരവും നിർവ്വഹിച്ചിരിക്കുന്നു. സിനിമയുടെ പേരും മറ്റ് വിശദാംശങ്ങളും വരും ആഴ്ചകളിൽ പ്രൊഡക്ഷൻ ഹൗസ് ഒന്നിനു പുറകെ ഒന്നായി വെളിപ്പെടുത്തുമെന്നാണ് റിപ്പോർട്ടുകൾ.
Also Watch :
സ്വപ്‌ന സിനിമ നിർമ്മിച്ച് വിജയന്തി മൂവീസ് അവതരിപ്പിക്കുന്ന ഈ ചിത്രത്തിന് പ്രൊഡക്ഷൻ നമ്പർ 7 എന്നാണ് താൽക്കാലികമായി പേരിട്ടിരിക്കുന്നത്. അശ്വിൻ ദത്ത് ആണ് നിർമാതാവ്. ഹനു രാഘവപുടി സംവിധാനം. വൈകാരിക പശ്ചാത്തലമുള്ളൊരു പ്രണയമാണ് സിനിമയുടെ പ്രമേയമെന്ന് അണിയറപ്രവർത്തകർ പറയുന്നു.
വിശാൽ ചന്ദ്രശേഖർ സംഗീതവും പി എസ് വിനോദ് ഛായാഗ്രഹണവും വൈഷ്ണവി റെഡ്ഡി കലാസംവിധാനവും സുനിൽ ബാബു പ്രൊഡക്ഷൻ ഡിസൈനും ശീതൾ ശർമ്മ വസ്ത്രാലങ്കാരവും നിർവ്വഹിച്ചിരിക്കുന്നു. സിനിമയുടെ പേരും മറ്റ് വിശദാംശങ്ങളും വരും ആഴ്ചകളിൽ പ്രൊഡക്ഷൻ ഹൗസ് ഒന്നിനു പുറകെ ഒന്നായി വെളിപ്പെടുത്തുമെന്നാണ് റിപ്പോർട്ടുകൾ.
Also Watch :