വഴിയോരത്തെ പച്ചക്കറിക്കാരിയെ കണ്ട് അമ്പരന്ന് ജനങ്ങൾ

ചെന്നൈ നഗരത്തിൽ വഴിയോരത്ത് പച്ചക്കറി വിൽക്കുന്നയാളെ കണ്ട് ജനങ്ങൾ ആകെ അമ്പരപ്പിലായി. തെന്നിന്ത്യൻ സൂപ്പര്‍ സ്റ്റാര്‍ നായിക സാമന്തയാണ് കച്ചവടക്കാരി. ഇന്നലെ പുലര്‍ച്ചെയോടെയായിരുന്നു സംഭവം. തിരുവള്ളിക്കേനി ക്ഷേത്രത്തിന് സമീപത്തുള്ള ജാം ബസാര്‍ മാര്‍ക്കറ്റിലാണ് പച്ചക്കറി വില്‍പ്പനക്കാരിയായി സാമന്ത പ്രത്യക്ഷപ്പെട്ടത്. താരത്തിൻ്റെ പുതിയ വേഷപ്പകര്‍ച്ച ഷൂട്ടിങ് ആവുമെന്ന് കരുതിയവര്‍ക്ക് തെറ്റി ഇതൊരു കാരുണ്യ പ്രവര്‍ത്തനത്തിൻ്റെ ഭാഗമായിരുന്നു.

പ്രതായുഷ എന്ന സംഘടനയ്ക്ക് വേണ്ടിയായിരുന്നു താരത്തിൻ്റെ ഇൗ പുതിയ വേഷം. സാമന്തയുടെ നേതൃത്വത്തിലാണ് ജീവകാരുണ്യ സംഘടനയായ പ്രതായുഷ പ്രവർത്തിക്കുന്നത്. യാതനകള്‍ അനുഭവിക്കുന്ന സ്ത്രീകള്‍ക്കും കുട്ടികള്‍ക്കും ചികിത്സാ സഹായത്തിനാണ് സംഘടന മുഖ്യമായും പ്രാധാന്യം നൽകുന്നത്. 2014ലാണ് പ്രതായുഷയ്ക്ക് തുടക്കം കുറിച്ചത്.