ഐശ്വര്യ റായിയുടെ 'ഫന്നെ ഖാൻ': ടീസർ എത്തി

ഐശ്വര്യ റായി തിരിച്ചെത്തുന്ന ഫന്നെ ഖാൻ എന്ന ബോളിവുഡ് ചിത്രത്തിന്‍റെ ടീസർ പുറത്തുവിട്ടു. ഐശ്വര്യ റായ്ക്കൊപ്പം ചിത്രത്തിൽ അനിൽ കപൂര്‍, രാജ്കുമാർ റാവു എന്നിവരും പ്രധാനവേഷങ്ങൾ അവതരിപ്പിക്കുന്നുണ്ട്. അതുൽ മഞ്ജരേക്കർ ആണ് ചിത്രം സംവിധാനം ചെയ്യുന്നത്.



'എവരിബഡി ഫെയ്മസി'ൽ നിന്നും പ്രചോദനം ഉള്‍ക്കൊണ്ടാണ് ഫന്നെ ഖാന്‍ ഒരുക്കിയിരിക്കുന്നത്. വിദേശഭാഷ ചിത്രത്തിന് ഓസ്‌കാര്‍ നാമനിര്‍ദ്ദേശം ലഭിച്ച ബെൽജിയം ചിത്രമാണ് 'എവരിബഡി ഫെയ്മസ്'.

അമിത് ത്രിവേദിയാണ് ചിത്രത്തിലെ ഗാനങ്ങൾക്ക് സംഗീതം പകരുന്നത്. തിരു ആണ് ക്യാമറ കൈകാര്യം ചെയ്യുന്നത്. ആഗസ്റ്റ് 3നാണ് ചിത്രം തിയറ്ററുകളിലെത്തുക.