'മൈദാനി'ല്‍ അജയ് ദേവ്ഗണിനൊപ്പം പ്രിയാമണി; കീര്‍ത്തി സുരേഷ് പിന്മാറിയതിന് പിന്നിലെ കാരണം തിരക്കി ആരാധകര്‍!

ചിത്രത്തിൽ കീര്‍ത്തി സുരേഷിന് പകരം മുംബൈ മലയാളി നടി പ്രിയാമണി എത്തുന്നതായാണ് ഏറ്റവുമൊടുവിൽ ലഭിക്കുന്ന വിവരം.

ഇന്ത്യൻ ഫുട്ബോള്‍ പരിശീലകൻ സെയ്‍ദ് അബ്‍ദുള്‍ റഹിം ആയി അജയ് ദേവ്ഗണ്‍ അഭിനയിക്കുന്ന ചിത്രമെന്ന രീതിയിൽ മൈദാൻ പ്രഖ്യാപന വേളയിൽ തന്നെ ഏറെ ശ്രദ്ധിക്കപ്പെട്ടിരുന്നു.

എന്നാല്‍ ചിത്രത്തില്‍ നിന്ന് കീര്‍ത്തി സുരേഷ് പിൻമാറിയതായാണ് ഏറ്റവും പുതിയ റിപ്പോര്‍ട്ട്. ഈ റിപ്പോ‍ര്‍ട്ടുകൾ ശരിവെക്കുന്ന തരത്തിലാണ് വാര്‍ത്തയുടെ ഫോളോ അപ്പും വരുന്നത്.

കീര്‍ത്തി സുരേഷിന് ചിത്രത്തിൽ ചെയ്യാനുറച്ചിരുന്നത് അജയ് ദേവ്ഗണിന്റെ നായികയുടെ വേഷമായിരുന്നു. അമ്മ കഥാപാത്രമായിരുന്നു അത്.

എന്നാല്‍ കീര്‍ത്തി സുരേഷിന് കഥാപാത്രം യോജിക്കുന്നില്ലെന്നാണ് അണിയറ സംസാരം.

കഥാപാത്രം തനിക്ക് യോജിക്കാത്തത് മൂലമാണ് കീര്‍ത്തി സുരേഷ് ചിത്രത്തില്‍ നിന്ന് പിൻമാറിയതെന്നാണ് റിപ്പോര്‍ട്ടുകൾ.