അജു വര്ഗ്ഗീസ് സീരിയസ് റോളിൽ; 'കമല' ട്രെയിലർ
നർമ്മരസം വിളമ്പിയിരുന്ന റോളുകളിൽ നിന്ന് മാറിനടക്കാനൊരുങ്ങിയിരിക്കുകയാണ് കമല എന്ന ചിത്രത്തിലൂടെ അജു, സീരിയസ് റോളിൽ അജു മികച്ച പ്രകടനം കാഴ്ചവെക്കുമെന്നാണ് ട്രെയിലർ തരുന്ന സൂചന
Samayam Malayalam 21 Oct 2019, 8:30 pm
ഹൈലൈറ്റ്:
- അജു ആദ്യമായി നായകൻ
- പ്രേതം 2വിന് ശേഷം രഞ്ജിത്ത് ശങ്കർ
- ഒപ്പം അനൂപ് മേനോനും
അജു വര്ഗ്ഗീസിനെ നായകനാക്കി സംവിധായകൻ രഞ്ജിത്ത് ശങ്കര് ഒരുക്കുന്ന കമലയുടെ ട്രെയിലർ പുറത്തിറങ്ങി. നടൻ മോഹൻലാലാണ് ട്രെയിലർ സോഷ്യൽമീഡിയയിൽ പുറത്തിറക്കിയിരിക്കുന്നത്. 'പ്രേതം 2'ൻ്റെ വമ്പൻ ഹിറ്റിന് ശേഷം രഞ്ജിത്ത് ശങ്കര് ഒരുക്കുന്ന ചിത്രമാണ് 'കമല'. ത്രില്ലര് ഗണത്തിൽ പെടുത്താവുന്ന കമല പറയുന്നത് മുപ്പത്തിയാറ് മണിക്കൂറുകൾക്കുള്ളിൽ സംഭവിക്കുന്ന കാര്യങ്ങളാണെന്നാണ് ട്രെയിലർ തരുന്ന സൂചന. ഈ നിഗൂഢതയുടെ ചുരുളഴിക്കാൻ ഞങ്ങളെ സഹായിക്കൂ എന്ന് പറഞ്ഞ് നടൻ അജുവും ട്രെയിലർ ഫേസ്ബുക്കിൽ പങ്കുവെച്ചിട്ടുണ്ട്.
ചില നിഗൂഢതകൾ ഒളിപ്പിച്ചാണ് ട്രെയിലർ വന്നിരിക്കുന്നത്. ചിത്രം ഒരു ഹൊറർ ഗണത്തിൽപെട്ടതാണോ എന്നുപോലും സംശയമുണര്ത്തുന്നതാണ് ട്രെയിലർ. ഇതുവരെ കോമഡി റോളുകളിലും സഹനടനായുമൊക്കെ കണ്ടുശീലിച്ച അജു വർഗ്ഗീസ് ആദ്യമായി നായകനാകുന്ന ചിത്രമായതിനാൽ തന്നെ സോഷ്യൽമീഡിയയിൽ ഏറെ സജീവമായുള്ള താരത്തിന് ട്രെയിലറിന് പിന്നാലെ ട്രോളുകളും ഇറങ്ങിതുടങ്ങിയിട്ടുണ്ട്.
അജുവും രഞ്ജിത്ത് ശങ്കറും ഒന്നിക്കുന്ന ഏഴാമത്തെ ചിത്രവുമാണ് കമല. രഞ്ജിത്ത് ശങ്കർ–ജയസൂര്യ ടീമിൻ്റെ ഡ്രീംസ് ആൻഡ് ബിയോണ്ട്സ് തന്നെയാണ് ചിത്രത്തിന്റെ നിർമ്മാണം. പുതുമുഖം റുഹാനി ശര്മ്മ, അനൂപ് മേനോന് എന്നിവരാണ് ചിത്രത്തിലെ മറ്റു കേന്ദ്ര കഥാപാത്രങ്ങള്. രഞ്ജിത്ത് ശങ്കര് തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നത്. നവംബറിലാണ് ചിത്രം തിയറ്ററുകളിലെത്തുന്നത്.
ചില നിഗൂഢതകൾ ഒളിപ്പിച്ചാണ് ട്രെയിലർ വന്നിരിക്കുന്നത്. ചിത്രം ഒരു ഹൊറർ ഗണത്തിൽപെട്ടതാണോ എന്നുപോലും സംശയമുണര്ത്തുന്നതാണ് ട്രെയിലർ. ഇതുവരെ കോമഡി റോളുകളിലും സഹനടനായുമൊക്കെ കണ്ടുശീലിച്ച അജു വർഗ്ഗീസ് ആദ്യമായി നായകനാകുന്ന ചിത്രമായതിനാൽ തന്നെ സോഷ്യൽമീഡിയയിൽ ഏറെ സജീവമായുള്ള താരത്തിന് ട്രെയിലറിന് പിന്നാലെ ട്രോളുകളും ഇറങ്ങിതുടങ്ങിയിട്ടുണ്ട്.
അജുവും രഞ്ജിത്ത് ശങ്കറും ഒന്നിക്കുന്ന ഏഴാമത്തെ ചിത്രവുമാണ് കമല. രഞ്ജിത്ത് ശങ്കർ–ജയസൂര്യ ടീമിൻ്റെ ഡ്രീംസ് ആൻഡ് ബിയോണ്ട്സ് തന്നെയാണ് ചിത്രത്തിന്റെ നിർമ്മാണം. പുതുമുഖം റുഹാനി ശര്മ്മ, അനൂപ് മേനോന് എന്നിവരാണ് ചിത്രത്തിലെ മറ്റു കേന്ദ്ര കഥാപാത്രങ്ങള്. രഞ്ജിത്ത് ശങ്കര് തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നത്. നവംബറിലാണ് ചിത്രം തിയറ്ററുകളിലെത്തുന്നത്.